ӀабдуллахӀ ибн МасӀуд

Абу Ӏабдуррахьма̄н Ӏабдулла̄хӀ ибн МасӀӯд ибн ГӀа̄фил аль-ХӀазлӣ (Ӏаьр. أَبُو عَبْدِ الرَّحْمٰنِ عَبْدُ اللهِ بْنُ مَسْعُودِ بْنِ غَافِلٍ الْهَذْلِيُّ‎‎; 594, Макка йа ТихӀамат^[d], Ӏаьрбийн ахгӀайре — 653, Мадийнат, Рашидунин халифат) — иза Мухьаммад пайхамаран ﷺ сахьаби (накъост) а, умматан факъихӀ а, мукъриъ а, дукха хьадисаш дийцина мухьаддис а ву. Дуьххьара ислам тӀеэцначарах йолхалгӀаниг а, йалсаманица кхаъбаьккхинчарах цхьаъ а ву иза. Эфиопе а, Мадийнате а ши хӀижрат динчарах а, шина къилбанна тӀекхиъначарах цхьаъ а ву иза. Иза ву-кх Маккахь дуьххьара Къуръан чӀогӀа дешнарг. Иза ву-кх Бадран гӀазотехь Абу ЖахӀлан корта а баьккхина, Мухьаммад пайхамарна ﷺ и хьалхабиллинарг.

ӀабдуллахӀ ибн МасӀуд
Ӏаьр. عبد الله بن مسعود‎‎
Сахьиб расулиллахӀ, Ибн МасӀуд, Ибн Умм Ӏабд, аль-МужахӀир бил-Къуръан, ФакъихӀул-уммат, ШабихӀ расулиллахӀ
Говзалла	къеда
Вина терахь	594
Вина меттиг	Макка, Хьижаз йа ТихӀамат[d], Ӏаьрбийн ахгӀайре
Кхелхина терахь	653
Кхелхина меттиг	Мадийнат, Рашидунин халифат
ДӀавоьллина меттиг	Аль-БакъиӀ[d]
Ваьхна шераш	60 сов
Пачхьалкх	Рашидунин халифат
Да	МасӀуд ибн ГӀафил аль-ХӀазли
Зуда	Зайнаб ас-Сакъафийят
Бераш	Ӏабдурахьман, Абу Ӏубайдат, Сарат
Динлелор	ислам, суннаталла
Динан Ӏилманан гӀуллакх
Дешархой	Анас ибн Малик
ТӀеман гӀуллакх
ТӀемаш	Бадруна гӀазот Ухьудан гIазот Саьнгаран гIазот[d] Хайбаран гIазот[d] Хьунайнан гӀазот[d] Макка йаккхар[d]

Биографи

ӀабдуллахӀ кхиъна Маккахь, шен да МасӀуд ибн ГӀафил Ӏийначу меттехь. Иза дуьххьара ислам дине баьхкинчу асхьабех вара. ЙолхалгӀа ислам тӀеэцнарг лоруш ву иза, кхечара 22 тӀаьхьа хилла а боху.