Бартхойн суран охьадоссар Нормандехь (1944)
Нормандин тloм — иза тleман гlyллакхаш ду бартхоша шайн сур Нормандин хийисте охьадоссош , тloм болабелира сатасале lyьйранна 1944-чу шеран асаран беттан 6-чу дийнахь , чекхбаьлла иззачу шарахь хьаттан беттан 25-чу дийнахь бартхой Сена хинал дехьа а бовлуш , лоьмсойх Париж паргlaт а йоккхуш кхидla лоьмсойн-перенгийн дозане тleлеташ.
| Бартхойн суран охьадоссар Нормандехь | |||
|---|---|---|---|
| Коьрта конфликт: ШолгӀа шуренан тӀом | |||
 Лоьмсойн дертоп MG-42 йетташ йу охьабуьссучу laьмаркхошна | |||
| Терахь | 06.06.1944 - 31.08.1944 | ||
| Меттиг | Нормандин хийисте , Перенгийн мохк | ||
| ЖамӀ | Бартхойн толам | ||
| МостагӀий | |||
|
|||
 Викиларми чохь медиафайлаш | |||
.svg){kind=small}
.svg){kind=small}
.svg){kind=small}
Лоруш ду оцу тlaмо шолгla фронт Европехь Шолгlaчу шуренан тlaмехь схьайиллина бохург. Xlинца а бу исторехь уггар чloгla десантах пайдаэцца тloм — цигахь дакъалаьцна 3.000.000 сов адамо.
Нормандин тloм кхочушбеш бара шина муьрехь :
- «Нептун» — хьалхара «Оверлорд» тleман муьран цle — йолайелла 1994-чу шарахь асаран беттан 6-чу дийнахь (вуьшта а бевзаш бу «Д де» санна), чекхбаьлла 1944-чу шарахь мангалан беттан 1-чу дийнахь Цуьнан laлашо йара нана-латта тleхь плацдарм йаккха , тloм боьдуш бара асаран беттан 25-гla де кхаччалц
- «Цlaй» — дохор а , тleлатар а Перенгийн латтахула. Кхочушйина йара хьалхара мур чекх ма баьлла.
Цуьнца цхьаьна хьаьттан беттан 15-чу денна гуьйре доладаларан кхаччалц laьмаркхойн а , перенгийн а сурхоша кхиамца кхочушбира Перенгийн негlaн тloм Нормандин тleман тleтохар деш. Йуха и тleмаш чекх ма баьхха Перенгийн мехкан неврера а , негlepa а тleлеташ бартхойн сураш вовшах а кхетта кхидla бахара тlелата лоьмсойн доза тle , шадолу перенгийн латта паргlaтдаьхха ала а мегаш.
Дlaдоладале
бӀаьра нисйанТleгloрторан ардамийн рогlaлла xlотточехь Ингалсан а , laьмаркан а тleман куьйгалла тleтевжара шайн шек ца хиларна мостагlчун ши xlyма ца девза аьлла - «Оверлорд» тloм кхочушбаран меттиг а , хан а.И xlyма къайлахь хилийта а , охьадоссар цlaьххьана хилийта а кеч а бина кхочушбинера дуккху талламан белхаш - «Ханакъост» , «Доьналла» , иштта кхиберш а.Дукхахдолу бартхойн сур охьадоссоран ардамийн рогlaлла xloтточехь дакъа лецира Бернард Монтгомерис.Бусенан Европе тleгloртале бартхойн тleман куьйгалло толлура Атлантикан xlopдйист.Охьадоссоран меттиг хоржуш йара тайп-тайпанчу бахьанашца : мостагlчун хийистера чlaгloнийн нуьцкъалалле а , Ингалсан xlopд-гlaланех йолу йохалле а , кеманаш тleкхочуш хилар йа ца хиларе а хьаьжжа (xlyнда аьлча десантана а , xlopдкеманашна а оьшура кеманийн гlo).
Десант охьайоссайан уггар дика йогlypa Па-де-Кале а , Норманди а , Бретан а кloшташ , ткъа йисина йолу кlошташ - Голландхойн мехкан а , Белгихойн мехкан а, Бискайн чужан а хийисташа xlopдан некъаца латторан тleдилларш кхочуш ца дора.Па-де-Калехь «Атлантикан валан» чlaгloнаш уггар чloгla йара xlyнда аьлча лоьмсойн тleман куьйгаллина цигахь охьадоссоран хилатаро уггар лаккхара хетара , Ингалсан уллехь йу аьлла и меттиг.Бартхойн куьйгалло Па-де-Калехь сур охьадоссадан къобал ца дира.Бретанехь чlагloнаш жимма гlийло йара , амма иза гена йара Ингалсах.
Бартхойн тleман куьйгалло сацам бира охьадоссоран уггар гloле меттиг Нормандин xlopдйист йуй