Бутаев, Георгий Данилович — Версийн башхалла
Simba16 (дийцар | къинхьегам) «Бутаев, Георгий Данилович» агӀо гочярца кхоьллина |
(башхалла йац)
|
Верси 2020, 31 октябрь, 17:52
Георгий Данилович Бутаев (1910—1943) — Ц1ен Эскаран лейтенант, Сийлахь-Боккха Даймехкан т1еман, Советски Союзан Турпал (1943).
| Бутаев, Георгий Данилович | |
|---|---|
| Вина терахь | 1910 шеран 25 декабрь |
| Вина меттиг | |
| Кхелхина терахь | 1943 шеран 5 октябрь (32 шо) |
| Кхелхина меттиг: | |
| Эскаран тайпа | пехота[d], Сухопутные войска СССР[d] |
| Дарж | лейтенант[d] |
| ТӀемаш | |
| СовгӀаташ |
   |
Биографи
Вина 1910 шеран 25 декабрехь Коста Хетагурован юртахь (х1инца Кхарачой-Чергазийчоьнан Карачаевскан к1ошт) шахтёран доьзаллехь. Иза жима волуш хенахь цуьнан да велира. 15 шо кхаьчча дуьйна школехь доьшуш хенахь иза волавелира же 1ун болх бан. 1929 шарахь иза волавелира Карачаевски хьехархойн доьшаллехь деша. 1932 шарахь иза Москва д1авахара. Цигахь иза рабфаке деша вахара, амма дешар чекхдаккхар цуьнан ца нисделира. 1933 шарахь иза Ц1ен Эскаре д1акхайкхира. Бутаев Лугански кеманхойн школе вахийтира, амма цамгар бахьнехь лоьрийн комиссиис иза кеманхон белхан ца магийтира. 1935 шарахь иза шен юрте ц1авеара. Цигахь иза школехь хьехархойн болх бан волавелира. 1937 шарахь Бутаевс т1ехьашха чекхъяккхира Тбилисехь йолу Х1ирийн хьехархойн доьшалла. 1941 шарахь иза ВКП(б) декъашхо хилира. Т1ом болабелча иза школан завуч вара. 1941 шарахь иза юха а эскаре д1акхайкхира. 1942 шеран март дуьйна иза т1мат1ехь ву. Цу шарахь цо чекхъяккхира Саратован эскаран политикан доьшийлан политикан белхалойн курсаш. Т1амт1е веача иза хилира миномётийн ротан политрук. Цо т1ом бира Воронежски а, Юккъера а фронтах, дакъалецира Курски т1амт1ехь а, Украински ССР парг1атйоккхаш а. 1943 шеран сентябрехь лейтенант Георгий Бутаев вара Юккъера фронтан 60-г1а армин 132-г1а кхиссархойн дивизин 712-г1а кхиссархойн полкан парторг[1].
1943 шеран 24 сентябрехь Бутаеван батальон Днепран дехьаелира Киевел 100 километр къилбаседера Черниговски областин Козелецки к1оштан Староглыбов ц1е йолу юртан уллехь. Кхераме хьал т1ех1оттича Бутаев батальонан коьрте х1оьттира, иза контратаке хьала а айбира, немцой дуккха сов болушшехь церан атака юха а туьйхира, мостаг1ийн дукха салтий а, танкаш а х1аллакйира. Цул т1аьхьа а оцу плацдармехь хиллачу т1амехь Бутаевс иштта а жигара дакъа лецира. 5 октябрехь Киевски областехь Чернобыльски к1оштехь Горностай-Поле юртан уллехь батальон немцойн эскаран т1елетира. Хьалхара саьнгараш схьалецира, амма кхин д1аваха немцойн дуьхьалло бахьнехь аьтту ца хуьлура. Ши рота командирас т1ехьаш т1елата д1аяхийтира, Бутаев юкъахь волу кхозлуг1а рота фронтера т1елатан езара. Оцу дийнахь Бутаевс 4-за хьалаг1аттира шен рота, масийттуза мостаг1ийн чуччавахна летира, 10 сов мостаг1ийн салтийн а, эпсар а х1аллаквира. Цунна чевнаш йира, амма иза госпитале ца вахара. Юха а немцой т1елетча Бутаевс юха а шен рота дуьхьаллатаран хьалаайира. Цу хенахь иза пулемёт тоьхна вийра. Иза д1авоьллира Киевски областан Иванковски к1оштан Парышев ц1е йолу юртан уллехь[1].
1943 шеран 17 октябрехь цунна елира Советски Союзан Турпал. Иштта цунна елира Ленинан ордена а, «Майраллин» мидал а. Бутаеван мемориалан у х1оттийнера Чернобыль г1алан паркехь. Бутаеван ц1е тиллина Чернобылехь а, Черкесскехь а, Бурит1ехь а болу урамашна. Коста Хетагурован ц1е йолу школан уллехь х1оттийна Бутаеван бюст[1].
Билгалдахарш
- ↑ 1 2 3
Бутаев, Георгий Данилович. Cайт «Пачхьалкхан турпалхой».
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Муриев Д. З. Осетии отважные сыны. — Орджоникидзе: Северо-Осетинское изд., 1974.