Юсуф — Версийн башхалла

 

Юсуп цхьана къепало [[Мисар|Мисарахь]] дӀавоьхкира — [[Потифар]] олучу куьйгалхочунна. Потифара шен зудчунна [[Зулейха|Зулейхан]] совгӀатан эцнера цо иза. Юсуп къона волчу хенахь Зулайхана безам баханера цуьнга, цхьана дийнахь и хьийзо гӀерташ яра иза, амма Юсуп кӀелхьара велира. Юсуп дукха хаза волуш зударий хьера бовла кхийча бар, и везаш дукха Мисран зударий бара. Зулайхана иза дуьхьал волу дера цара набахти чукхоьссира иза. Набахтехь масийтта шарахь Ӏийна иза, набахти бала а Ӏевшина цо.

Цхьана дийнахь паччахьан воьалгӀа АменхӀотепан гӀан гинера: Нила хи чуьра цхьа ворхӀ бежан хьаладолуш, тӀаккха и Нила дакъа а делла, цу чуьра ворхӀ гӀийла бежан хьаладолуш. «Юха оцу гӀийла бежанаша вуьш дерстина бежанаш дууш. Кхин гӀан а гина и санна ворхӀ кӀан кемаш а долуш». Паччахьан малар малош волчунна дага деара и гӀан муха тида деза, цо элира цуьнга: «Ша набахтехь волчу хенахь, шена цхьа гӀан гинера, тӀаккха цхьана тутмакхо и сан гӀан чӀогӀа дикачу кепара тидинера». Паччахь омар дира и тутмакх схьавалаве аьлла. И гӀан Юсупас чӀогӀа нийса тиданера:<blockquote>''ВорхӀ шарахь шу хьалдолуш дуьзина хир ду. КӀа дӀа а де, тӀаккха дӀадиллина дита иза. Юха цхьа хала ворхӀ шо догӀур ду, аша дӀадиллинарг даа деза оцу хенахь. Цул тӀаьхьа юха а дика зама йогӀур ю.''</blockquote>[[Файл:Jacob and Joseph's clothing.JPG|thumb|199x199px|Якъубан гина Юсупан коч.]]И бахьана долуш Юсуп набахтера кӀелхьара велира. Паччахьа иза сийлахь верг хаьржира. Юсупа церан Амон хӀуьппалган дин дӀадаьккхира, АллахӀан дин даьржира. Паччахьо шен цӀе хийцира «[[Эхнатон]]» — аьлла.