Айюб (Ӏаьр. أيوب‎‎) — Исраилан къоман ваийтина пайхамарех цхьа пайхамар. Библин тӀехь хьехош ву Иоб цӀарца. Айюб пайхамаран وصلة= истори Къуръан[3] тӀехь хьехош йу цатешачарна цунах хьехам масала хилийта, тӀаьххьаре а АллахӀа шех тешаш волчунна гӀо муха до гойту[4].

Айюб
أيوب
Говзалла пайхамар (элча)
Вина терахь вайн эрал 16 бӀешо гергга хьалха
Вина меттиг Хьавран
Кхелхина терахь вайн эрал 14 бӀешо хьалха
Кхелхина меттиг Хьавран
ДӀавоьллина меттиг Айюбан кешнийн исписка
Къам Жуьгтий
Да Мус[1]
Нана ЛутӀан йоӀ
Зуда Рахьмат[2]
Динлелор Ислам
Лоруш волу динаш Ислам, керсталла, яхӀудий

Истори нисйе бӀаьра

Цуьнан нана ЛутӀ пайхамаран   йоӀ хилла[2]. Айюб хьажийна вара Димашкъ гергарчу къаьмнашна. Иза чӀогӀа хьал долуш а, ларам болуш а стаг вара, массо а иэшонехь волчунна гӀодора. Иза къаьсташ вара дика даран амалашца, нийсонца, Делах даггара кхерарца. Амма гӀараваьлла иза шен собар бахьнехь[5][6].

Цуьнан боккха доьзал бара, шортта зударий а бара. АллахӀан зиен лиира Айуб, йоцачу хенахь цуьнан берриг бахам дӀабаьккхира. ЖаӀун куьце а даьлла иза хаийтинчу шайтӀане элира шен мел хилла бахам АллахӀан бу аьлла, цуьнга иза шадерг дӀадаккхало цуьнга, массо хӀума а Делан лаамца хуьлу аьлла[6].

ШолгӀачу халачу зиерехь чӀогӀа мохк бегийна цуьнан массо а бер делира. ШайтӀано, берийн хьехархочун куьце даьлла деана хаийтича, Айюба жоп делира, шен бераш шена деллера АллахӀа, цуьнга муьлххачу хенахь а уьш шегара дӀадахалур ду аьлла[6].

ТӀаккха АллахӀа Айюбан хала цамгар яийитира, цамгар бахьнехь иза меттах ца хьалора. Пайхамар витира массо а гергарчу наха, зуда йоцучо, иза собарца хьожуш йара шен цомгашчу майрачуьнга. ТӀаккха Айюба хастам бира АллахӀан, Цуьнан лааман къера вара иза. ШайтӀано гӀалахь эладит даржийра, Айюбан ноткъанаш йина чевнаш гӀалин кхечу бахархошна тӀеевр йу аьлла, гӀалахоша эккхийра Айюб шен зудчуьнца гӀалара[4]. Зудий-майрий охьахевшира гӀалан йистте. ВорхӀ шарахь, шен цамгар йоллушехь, Айюба цкъан а арз ца дира шен хьолах. ШайтӀа гӀиртира Айюбан зудчуьнга иза витийта, амма аьтту ца белира[6].

АллахӀа тӀеийцира цуьнан дуӀа, дахийтира цунна Джабраил малик кхаъца, АллахӀа комаьршша совгӀат лур ду хьуна хьан собарна а, доьналлийна а массо а балана хьалха аьлла. Джабраилан омарца, Айюба ког туьйхира, оцу меттиге шовда делира, цуо цуьнан хьогалла а яйира, чевнаш а тойира[4]. АллахӀа йухадерзийра Айюбан цуьнан могашалла, бахам, бераш[7][8][6][4].

Ца кхета Къуръанан омар: «Схьа а иэций хьайн кара курс, тоха цуьнца, къинош а ма летаде!»[5] — маьӀна доккху, хьалха шен зудчунна, иза АллахӀа Айюбан гӀо дийр хиларх шекйаларна, кхел йийр йу аьлла дина ният кхочушдаран хьокъехь долу омар санна[9].

АллахӀа совгӀат дина цунна цхьацца тамашийна хӀуманаш дан хьуьнара делла[6].

Айюб ваьхна 254 шарахь[2].

Айюбан цӀарах йоьхку цхьа могӀа Шемара, Палестинера, Мисрара, Йуккъера Азера топонимаш. Айюбан дуӀа леладо бусалбачара цамгаршна дуьхьала хӀайкалш дой[9].

Билгалдахарш нисйе бӀаьра

  1. История Айюба, Зуль-кифля, Жители Расса, Юнуса, Шу'айба, Ахлюль-карья. Инфо-ислам (19 февралехь 2012). ТӀекхочу дата: 5 июлехь 2015.
  2. 1 2 3 Пророк Аюб - образец терпения. Пророк Шуайб - похоронен в Мекке около Каабы. islamdag.ru (12 декабрехь 2009). ТӀекхочу дата: 20 январехь 2015.
  3.  4:163,  6:84,  21:83, 84,  38:40—44
  4. 1 2 3 4 Ислам: ЭС, 1991, с. 16.
  5. 1 2  38:44 </noinclude>Къуръан
  6. 1 2 3 4 5 6 Али-заде, 2007.
  7.  21:84 </noinclude>Къуръан
  8.  38:43 </noinclude>Къуръан
  9. 1 2 Ислам: ЭС, 1991, с. 17.

Литература нисйе бӀаьра