Ватса
Ва́тса, Ва́мса я Ва́ччха — шира хӀиндин пачхьалкх, юьйцу буддийн «Ангуттара-никаян» тексташкахь Махаджанападех 16 цхьаъ аьлла. Пачхьалкх лаьттина Ганг а, Ямуна а хиш цхьаьна кхетачохь. Цуьнан коьрта шахьар хилла Каушамби[1][2] (хӀинцалера гӀала Косам, лаьтта АллахӀабадан 56 км къилба-малхбалехьа). Пуранаш дийцарехь, Ватса паччахьаллин шен цӀе кхаьчна Каши паччахьан Ватсан цӀарах.[3] «Махабхаратехь» а, «Рамаянехь» а дуьйцу, Ватсан коьрта шахьар Каушамби йиллинарг, хилла Чеди паччахьан кӀант Куша я Кушамба цӀе йолуш. Пуранашца, Хастинапур Ганган хиш йохийна, бхаратийн паччахь Ничакшус (Джанамеджаян кӀентан кӀентан кӀентан кӀант), Хастинапур йитина Каушамби охьахиина. Иза чӀагдо Бхасан авторалла долу «Сварнавасадаттас» а, «Пратиджна-яугандхараянас» а. Пуранашкахь иштта ялайо исписка Ничакшун тӀаьхьенан, тӀеххьарниг ву Кшемака паччахь.[4]
Билгалдахарш нисйе бӀаьра
- ↑ Geographical Review of India. — Original from the University of Michigan : Geographical Society of India, 1951. — P. 27.
- ↑ Hermann Kulke, Dietmar Rothermund. A History of India. — Routledge, 2004. — P. 52. — ISBN 0415329205.
- ↑ Pargiter, F.E. (1972) Ancient Indian Historical Tradition, Motilal Banarsidass, Delhi, pp.269-70
- ↑ Raychaudhuri, Hemchandra (1972) Political History of Ancient India, University of Calcutta, Calcutta, p.117-8