Галатасарай (футболан клуб)

«Галатасара́й» (турк. Galatasaray Spor Kulübü) — туркойн Истмалан футболан клуб, йукъайоьду спортан «Галатасарай» йукъараллин, ловза Туркойчоьнан чемпионатехь. Кхоьллина 1905 шарахь. ЦӀера матчаш ловзайо 55 147 стаг чухоьучу «Тюрк Телеком Арена» стадионехь. Уггаре аьтту болчех цхьа футболан клуб йу махкахь, 22-за Туркойчоьнан чемпион хилла, 18-за Туркойчоьнан Кад баьккхина, 16-за Туркойчоьнан Суперкад баьккхина, УЕФАн Кад а, УЕФАн Суперкад а баьккхина.

«Галатасарай»
Йуьззина цӀе	Galatasaray Spor Kulübü
Харц цӀераш	«Лоьмаш» (Aslanlar), Cimbom, Avrupa Fatihi Sarı-Kırmızılılar (Можа-цӀиен)
Кхоьллина	1905
Стадион	Тюрк Телеком Арена, Истмала
Чухоам	55 147
Президент	Дженгиз Мустафа
Коьрта тренер	?
Капитан	Инан Сельчук
Рейтинг	68-гӀа меттиг УЕФА рейтингехь
Спонсор	Zott
Сайт	galatasaray.org​(туркойн мотт)​(ингалс.)
Къовсамаш	Туркойн Суперлига
2021/2022	Чемпион
Коьрта форма ХьошалгӀахь форма Резерван форма

«Галатасарай» — турниран йохаллехь цкъан а ца оьшуш УЕФА Кад баьккхинчу шина командах цхьаъ йу, ткъа иштта Чемпионийн Лигехь тобанехь кхоалгӀа меттиг йаьккхинчул тӀаьхьа и турнир йаьккхина хьалхара команда а йу. 1999/2000 шерийн УЕФА Кедан финалехь «Галатасарайс» иэшийра лондонан «Арсенал» пенальтин серехь жамӀ 4:1 долуш, тӀаккха дуьххьара исторехь еврокад баьккхина туркойн клуб хилира. «Галатасарайн» иштта йу дуьненан рекорд цӀахь угара беха толамаш бахарх — 2001 шеран 13 майра 2002 шеран 8 декабрь кхаччалц команда туьйлира шен стадион тӀехь 24 матчехь тӀаьхьий-хьалхий. 2001 шеран январехь «Галатасарай» «Дуьненан уггаре дика футболан клуб» рейтинган коьртехь йара.

ЦӀе

«Галатасарай» цӀе схьайаьлла Галатасарайн лицейх (йуьхьанцара цӀе «Галатан гӀалин Императоран ишкол»), ткъа историн агӀора хьаьжча кхоьллина шина дашах: Галата (Истмалан историн кӀошт) а, «сарай» («гӀала», туркойн маттара гочдича).

Истори

«Галатасарайн» дуьххьарлера сурт, 1905

Клуб кхоьллина 1905 шарахь Галатасарайн лицейн коьртехь Ӏали Сами Ен волу дешархойн тобано. «Галатасарай» йу Туркойчоьнан уггаре ширачех цхьа футболан клуб.

Хьалхарчу хенахь «Галатасарай» дӀайазйина йацара кхоллам санна, хӀунда аьлча Туркойчохь дӀанисдина спортан законаш ца хилар бахьнехь. 1912 шарахь закон тӀеэцначул тӀаьхьа клуб йаха йолайелира законан бух тӀехь. «Галатасарай» дӀакхийтира истмалан лиге 1905/06 шеран чемпионатехь, ткъа 1907/08 шерашкахь туьйлира. 1952 шарахь цунах говзаллин клуб хилира. 1959 шарахь кхоллайелира марталлин туркойн лига, ткъа «Галатасарай» сихха коьртера команда хилира цунна йукъахь.

Уггаре бакхий кхиамаш баьхкира клубан 90-гӀа шераш чекхдовлуш. 2000 шарахь «Галатасарайс» Терим Фатихьа куьйгаллийца толам баьккхира УЕФА Кедехь, финалехь пенальташца лондонан «Арсенал» а иэшош, ткъа цул тӀаьхьа УЕФА Суперкад баьккхира мадридан «Реал» иэшийна. Иштта клуб хилира Европин ткрнирашкахь толам баьккхина дуьххьарлера туркойн команда.

Хаджи Георге «Галатасарайн» коьрта тренер дарже йуха вар аьтту болуш хилира: 2005 шарахь йаьккхира Туркойчоьнан Кад.

«Галатасарайн» чоьтехь 22 толам бу Туркойчоьнан чемпионатехь, тӀаьххьарниг царех баьккхина 2017/18 шерийн чемпионатехь.

Клубан ламастан духар — можа-цӀиен футболкаш, цӀиен шорташ а, пазаташ а. Ӏали Сами Ена харжира цӀиен-можа бос, цӀеран а, ницкъан а символ йу аьлла.

Луьра мостагӀа клубаш йу кхин Истмалан клубаш «Фенербахче» а, «Бешикташ» а.

2008 шарахь клуб рогӀехь мехкан чемпион хилла, амма йукъара дӀаваьлла 2 «дийна воллушехь туьйра хилларг»: Хьакан Шукюр левзина ваьлла, ткъа Бурук Окан шина шаранна контракт йаздина «Истанбул ББ» клубаца.

2010 шеран 21 октябрехь «Галатасарайн» йуха а коьрте хӀоьттира Георге Хаджи. 2011 шеран мартехь «Галатасарайн» куьйгалло сацам бира Хаджи балхара дӀаваккха.

Шен исторехь уггаре а гӀуо шерал тӀаьхьа (8-гӀа меттиг 2010/2011 шарахь), «Галатасарайн» футболисташ берриг аьлча санна хийцабелира, техникин куьйгалле йуха веира Фатихь Терим, тӀаккха шолгӀачу шарахь клуб чемпион хилира.

2013 шеран Ӏай клуб йукъа веира Уэсли Снейдер а, Дидье Дрогба а. 2012/2013 шарахь немцойн «Шальке-04» шина матчан 3:4 чоьтаца иэшийна «Галатасарай» Чемпионийн Лигин 1/4 финале кхечира.

Кхиамаш

Чоьхьара къовсамаш

• Туркойчоьнан чемпионат:
  • Чемпион (22): 1961/62, 1962/63, 1968/69, 1970/71, 1971/72, 1972/73, 1986/87, 1987/88, 1992/93, 1993/94, 1996/97, 1997/98, 1998/99, 1999/00, 2001/02, 2005/06, 2007/08, 2011/12, 2012/13, 2014/15, 2017/18, 2018/19

• Туркойчоьнан кад:
  • Кад баьккхина (18): (рекорд) 1962/63, 1963/64, 1964/65, 1965/66, 1972/73, 1975/76, 1981/82, 1984/85, 1990/91, 1992/93, 1995/96, 1998/99, 1999/00, 2004/05, 2013/14, 2014/15, 2015/16, 2018/19

• Туркойчоьнан суперкад:
  • Кад баьккхина (16): 1966, 1969, 1972, 1982, 1987, 1988, 1991, 1993, 1996, 1997, 2008, 2012, 2013, 2015, 2016, 2019(рекорд)

Дуьненайукъара къовсамаш

• Чемпионийн лига:
  • Ахфинал: 1988/89
  • Финалан деалгӀа дакъа (4): 1962/63, 1969/70, 2000/01, 2012/13

• УЕФА Кад:
  • Кад баьккхина: 1999/00
• Кедаш баьхначеран кад
  • Финалан деалгӀа дакъа : 1991/92

• УЕФА Суперкад:
  • Кад баьккхина: 2000

• Сахьтан кад
  • Кад баьккхина: 2016

Кхин кхиамаш

• Emirates Cup:
  • Кад баьккхина: 2013

• Uhrencup:
  • Кад баьккхина: 2016

• Туркойчоьнан премьер-министран кад:
  • Кад баьккхина (5): 1975, 1979, 1986, 1990, 1995

• Истмалан футболан лига:
  • Чемпион (3): 1909, 1910, 1911, 1915, 1916, 1921/22, 1924/25, 1925/26, 1926/27, 1928/29, 1930/31, 1948/49, 1954/55, 1955/56, 1957/58

• Къоман лига:
  • Чемпион: 1939

• Истмалан кад:
  • Кад баьккхина (2): 1942, 1943

• Ататюркан кад:
  • Кад баьккхина (2): 1963, 2000

• Шовзткъе итт шо кхачаран кад:
  • Кад баьккхина: 1973 (турнир цкъа бен ца хилла)

Стадион

Коьрта йаззам: Тюрк Телеком Арена

«Галатасарайн» цӀера стадион йу керла шортта функцеш йолу «Тюрк Телеком Арена», иза лаьтта Истмала гӀалан Шишли кӀоштахь, Туркойчоь. Аренан чухоам 52 650 стаг.

«Ӏали Сами Ен» тӀиера дӀакхалхар Ӏалашо йолуш дара тишъелла стадион туркойн футболан хьашташца йогӀуш йолу керла ареница хийца.

2007 шеран 13 декабрехь правительствон хьаькмаша дакъа а лоцуш керла стадионан бух биллира. ГӀишлойаран мах бара €128 млн.

Хаза перфоманс «Тюрк Телеком Арени» тӀехь.

2008 шарахь Туркойчоьнан футболан федерацис сацам бира Футболах ловзарех Европин чемпионат 2016 шайн махкахь йан кехаташ чудала, тӀаьхьуо Европин чемпионат 2020 а. Оцу сацамо хийцамаш бан безийтира стадионан проектехь, иза пайденна хилийтархьама Европин чемпионатан ахфиналан декъан матчашна УЕФАн стандарташца.

Стадионан цӀе яла бакъо йоьхкира 10 шаран йоккхачу телекоммуникацин Türk Telekom компанин $100,5 млн.

Даздарца дӀайиллира керла «Тюрк Телеком Арена» 2011 шеран 15 январехь доттагӀаллин матчца футболан клубашна «Галатасарайн» а, «Аяксан» а йукъахь. Матч чекхйелира 0:0 жамӀаца. 1933 шарахь дуьйна клубан муьтӀахь болу хьовсархойн лаам кхочуш хилира 77 шо даьлча.

«Галатасарайн» керла стадионера хьалхара официалан матч еира «Сивасспоран» дуьхьала, иза чекхйелира 1:0 хӀусамдайн толамца. Хьалхара гол керла аренехь туьйхира Туркойчоьнан гулйина командан турслочо Четин Сервета.

2011 шеран 18 мартехь «Фенербахчен» дуьхьалчу матчехь хӀоттийра спортан аренашкара гӀовгӀан дуьненан рекорд децибелашкахь. Иза хилира 131.76 дБ, йукъайахара «Гиннессан рекордийн жайнан».

Клубан беснаш а, духар а

Официалан клубан беснаш

Бос	Пантон	CMYK	Hex код
	1235	C%0 M%30 Y%100 K%0	#FCB514 йа #FFB517
	201	C%0 M%100 Y%65 K%34	#A32638 йа #B50043

Экипировка

Мур	Арахецнарг	Спонсор
1977-1978	Дац	Volvo / PeReJa
1978-1979		Дац
1979-1982		Telefunken
1982-1983		MEBan
1983-1985		Telefunken
1985-1986	Adidas	Denizcilik Bankası
1986-1991		TürkBank
1991-1992	Umbro	ADEC Saat / Show TV
1992-1995		Show TV
1995-1997	Adidas	VakıfBank
1997-1998		Bank Ekspres
1998-2000		Marshall Boya
2000-2001		Telsim
2001-2002	Lotto	Aria
2002-2004	Umbro
2004-2005		Avea
2005-2009	Adidas
2009-2011		Turk Telekom
2011-	Nike

Тренерийн жамӀаш

Туркойчоьнан лиган чемпионаш (21)
Шо	Тренер
1961/62	Килич Гюндюз
1962/63	Килич Гюндюз
1968/69	Калеперович Тома
1970/71	Бирч Брайан
1971/72	Бирч Брайан
1972/73	Бирч Брайан
1986/87	Дерваль Юпп
1987/88	Дерваль Юпп
1992/93	Фельдкамп Карл-Хайнц
1993/94	Холлманн Райнер
1996/97	Терим Фатихь
1997/98	Терим Фатихь
1998/99	Терим Фатихь
1999/00	Терим Фатихь
2001/02	Луческу Мирча
2005/06	Геретс Эрик
2007/08	Гюлер Джеват
2011/12	Терим Фатихь
2012/13	Терим Фатихь
2014/15	ХьамзаохӀлу Хьамза
2017/18	Терим Фатихь

УЕФА Кад баьккхинарш (1)
Шо	Тренер
2000	Терим Фатихь

УЕФА Суперкад баьккхинарш (1)
Шо	Тренер
2000	Луческу Мирча

Коьрта ловзархой

2019 шеран 7 январан хьолан

№ Меттиг ЦӀе Вина шо 1 Ков Фернандо Муслера 1986 13 Ков ИсмаӀил Чипе 1995 2 Турс Мариано 1986 3 Турс Майкон 1988 5 Турс Ахмет Чалык 1994 14 Турс Мартин Линнес 1991 19 Турс Ӏумер Байрам 1991 26 Турс Семих Кая 1991 27 Турс Кристиан Люиндама 1994 33 Турс Эмре Ташдемир 1995 55 Турс Юто Нагатомо 1986 8 АТ Сельчук Инан 1985 10 АТ Юнес Беланда 1990

№ Меттиг ЦӀе Вина шо 15 АТ Райан Донк 1986 17 АТ Баду Ндиайе 1990 20 АТ Эмре Акбаба 1992 25 АТ Фернандо Режес 1987 35 АТ Юнус Акгюн 2000 88 АТ Мугдат Челык 1990 89 АТ Софьян ФегӀули 1989 9 ТӀел Эрен Дердийок 1988 11 ТӀел Синан Гюмюш 1994 21 ТӀел Генри Оньекуру 1997 22 ТӀел Костас Митроглу 1988 91 ТӀел Мбайе Диань 1991

ГӀарабевлла ловзархой

Хьакан Шюкюр

Георге Хаджи

Марио Жардел

Франк Рибери

• Метин Октай (1955—1961, 1962—1969)
• Ясин Озденак (1967—1977)
• Зоран Симович (1984—1990)
• Бюлент Коркмаз (1984—2005)
• Танжу Чолак (1987—1991)
• Окан Бурук (1991—2001,2006-2008)
• Хьакан Шукюр (1992—1995, 1995—2000, 2003—2008)
• Ульрих Ван Гоббель (1995—1996)
• Георге Хаджи (1996—2001)
• Георге Попеску (1997—2001)
• Эмре БелёзохӀлу (1997—2001)
• Клаудио Таффарел (1998—2001)
• Марио Жардел (2000—2001)
• Хьасан Шаш (1998—2009)
• Капоне (1999—2002)
• Фарид Мондрагон (2001—2007)
• Айкут Эрчетин (2002—2014)
• Франк де Бур (2004—2005)
• Ригобер Сонг (2004—2008)
• Арда Туран (2004—2011)
• Франк Рибери (2005)
• Линкольн (2007—2009)
• Сервет Четин (2007—2012)
• Тобиас Линдерот (2007—2010)
• ШаӀбани Нонда (2007—2010)
• Фернанду Мейра (2008—2009)
• Морган Де Санктис (2008—2009)
• Харри Кьюэлл (2008—2011)
• Милан Барош (2008—2013)
• Элано (2009—2010)
• Леонардо Франко (2009—2010)
• Ӏабдул Къадер Кейта (2009—2010)
• Жо (2010)
• Джовани дос Сантос (2010)
• Томаш Уйфалуши (2011—2013)
• Фернандо Муслера (2011—…)
• Сульчук Инан (2011—…)
• Хьамит Алтынтоп (2012-2016)
• Бурак Йылмаз (2012-2016)
• Орельен Шеджу (2013-2017)
• Брума (2013-2017)
• Уэсли Снейдер (2013—2017)
• Дидье Дрогба (2013—2014)
• Лукас Подольски (2015-2017)

Исбаьхьаллехь

Клуб хьахайо российн Сплин рок-тобан «Географин Ӏамола» эшарахь («Галатасарай кхана тоьлур йу Лондонехь!»), ткъа иштта российн кинофильмехь «Харжамийн де».

Дог лозарш

2011 шеран 18 мартехь Туркойчоьнан чемпионатан 26-гӀа туран ловзарехь «Галатасарайн» а, «Фенербахчен» а фанаш цхьаьна керла рекорд хӀоттийра гӀовгӀан тӀегӀанца спортан къовсамашкахь. Цара йаьккхира 131,76 децибел бараме кхочу гӀовгӀа.

И гайтам спортан къовсамашкара гӀовгӀан тӀегӀанца уггаре диканиг бу. Гиннессан рекордийн жайнан векалш дӀайаздира и фанатийн кхиам.

Бизнес

«Галатасарайн» долахь туьканийн маша бу (ерриг 88), Galatasaray Store, цара духку клубан сурсаташ Туркойчу, Германе, Къилбаседа Кипре. Туьканаш йу Истмалаехь (36), Анкарахь (6), Антальяхь (4), Измирехь (4), Коньяхь (3), Самсунехь (2), Аданехь (2), Бурсехь (2), Айдынехь (2), Бакохахь (1).

Клубан йу букмекерийн контора, «GS Bilyoner»; Страховой компани, «GS Sigorta HDI»; Интернет-провайдеран компани «GSNET» , туристийн агенталла, GSTRAVEL, туристийн агенталла, форекс компани «GSForex», лахаран компани «GSYandex».

Хьажоргаш

• Официальный сайт (туркойн мотт)(ингалс.)(Франц.)
• В Инстаграмме