Даймохк (ансамбль)
Пачхьалкхан берийн хелхаран а, эшаран а ансамбль «Даймохк» — нохчийн берийн хелхаран а, эшаран а фольклоран ансамбль.
| Пачхьалкхан берийн хелхаран а, эшаран а ансамбль «Даймохк» | |
|---|---|
| Жанр | нохчийн а, Кавказан фольклоран а хелхараш а, эшараш а |
| Шераш | 1999 — таханалац |
| Пачхьалкхаш |
 Росси |
| ГӀала | Соьлжа-ГӀала |
| daymohkchr.ru | |
Истори нисйе бӀаьра
Ансамбль кхоьллира 1999 шарахь Российн Сийлахь артист Рамзан Ахмадовс.
2000 шарахь хилира ансамблин хьалхара гастролиш — ансамбльс боккха кхиамца дакъа лецира Яловехь хилла йолу халкъашна юккъера фестивалехь. ТӀаккха иза шен говзалла гайта Германе яхара. Цул тӀаьхьа ансамбль хӀора шарахь Россехула а, Европехула а гастролешка йодара. Цо толам беккхира Туркойчохь а, Францехь а, Голландехь а, Ингалсехь а, Швецехь а, Финляндехь а хилла фестивалашкахь; «Хрустальная магнолия» (Сочи, 2005), «Российн похӀмийн барт» (2007), «Сфинкс» (Бельги, 2006).
«Даймохкс» гайтина шен говзалла уггара гӀаръялла Европин сценашкахь: «Маьлхан Театр» (Париж), «Паччахьан театр Ковент-Гарден» (Лондон), «Операн театр» (Берлин), кхиераш а.
Ансамблехь ю хор а, халкъан пондарийн оркестр а, «Даймохк» коьрта хӀоттаман бераш кечдеш студи а.