Джабна Руми
Джабна Руми (масри جبنة رومى Gebna Rūmi) — Мисаран нехчан сортех коьртачех цхьаъ, уггаре гӀараяьлла Мисрара онда нехча[1]. ЧӀогӀа хьожа ю, тайп-тайпана тӀегӀанера дуьро чам хуьлу (чомалахь латторе хьаьжжина)[2].
| Джабна Руми | |
|---|---|
| масри جبنة رومى Gebna Rūmi | |
 | |
| Схьаяьлла мохк | |
Схьаялар ду грекийн нехчанах Кефалотири. Манчего, Идиасабаль, Пекорино Романо нехчанийн доьзалера ю[3]. Йо цӀена аьттан шурех я аьттан шура гомаш шуьрийца иэйой[4]. Шо боллар ца леладо[5]. ТӀетоха мега Ӏаьржа бурч[4]. Кийча сурсат арахоьцу экъан кепара 10 кг барам болуш я вакуум йолу пхьегӀан чохь цастаршкахь. Еттача кӀадло, кӀеззиг даьтта а долуш, амма шен кеп ца хуьйцу[4]. Дааран мехалла — 100 г чохь 353 ккал, хьоналла — 28 %[6].
3—4 бутт баьлча цаста мега. 3 шо гергга хан яьлчи юккъера кхиаран тӀегӀане кхочу, 8—12 шо даьлча «шира» лору. Хан алсама мел ели кӀуон а, цуьргаш дуьйлуш а хуьлу[4].
Эксперимент еш лакхара 70 - 75 °C температурехь цӀиййеш, лахарчу 4 % - 2 % хьоналла йолчу шуьрех йора дика мегар йолуш нехча. Чекхъяьккхина шуран ультрафильтрат тӀетоьхча даьтта а, тӀуналла а охьаяьккхича, тӀекхетара белок, цуо нехчан консистенции алсама чӀагӀйо[7].
Аспергилл (Aspergillus ochraceus) матар ца тасийтархьама а, охратоксинан биосинтез ца хилийтархьама а, нехча шоврахь йоллучу хенахь лелайо шалмаз[8].
Билгалдахарш нисйе бӀаьра
- ↑ Fox, 1999, p. 431.
- ↑ African Cheese(ингалс.). iFood.tv.
- ↑ Fox, 2004, p. 11.
- ↑ 1 2 3 4 Varieties of Cheese(ингалс.). Clovegarden.
- ↑ Tamime, 2011, p. 143.
- ↑ Egyptian Roomy Cheese: пищевая ценность. MyFitnessPal, Inc (2012). Архивйина 2019-04-12 — Wayback Machine
- ↑ Липиды. Архивйина 2014-12-25 — Wayback Machine Всё о технологии молока.
- ↑ Применение прополиса в медицине // «Её величество пчела» : международный пчеловодческий журнал. — 2013. — № 3. — С. 23.
Литература нисйе бӀаьра
- Cheese: Chemistry, Physics and Microbiology. Volume 2: Major Cheese Groups(ингалс.) / Edited by Patrick F. Fox. — Second edition. — Aspen, 1999. — 577 с. — ISBN 978-0-8342-1339-5.
- Cheese: Chemistry, Physics and Microbiology. Volume 2: Major Cheese Groups(ингалс.) / Edited by Patrick F. Fox and other. — Third edition. — Elsevier, 2004. — ISBN 978-0-1226-3653-0.
- Tamime, A. Y. Cheese Flavours // Processed Cheese and Analogues(ингалс.). — John Wiley & Sons, 2011. — ISBN 978-1-4443-4183-6.