Кавказан лаьмнаш
Кавказан лаьмнаш (абхаз. Кавказаа ашьхақәа, жӀай. Кавказалъул мугIрул, адыг. Къаукъаз къурш, азерб. Qafqaz dağları, эрм. Կովկասյան լեռնաշղթա, гуьрж. კავკასიონი, дарг. Кавказла дубурти, гӀалгӀ. Кавказан лоамаш, гӀебарт.-чергаз. Къаукъаз къурш, кхарач.-балк. Кавказ таўла, лаьзг. Къавкъаз, хӀир. Кавказы хæхтæ) — Ӏаьржа хӀордан, Азов-хӀордан а, Каспий-хӀордан а юккъера лаьмнийн система. ЦӀеран этимологи билгалйина йац[1]. Кавказ дукха хьолехь йоькъа Къилбаседа Кавказан а, Чоьхьара Кавказан а, доза туху Йоккха Кавказан Коьрта йа Хидоькъу дукъца, цуо юккъера меттиг лоцу ламанан системехь.
| Кавказан лаьмнаш | |
|---|---|
 Йоккха а, Жима а Кавказ, Къилба Кавказ. НАСА сурт | |
| Амалш | |
| Кхоллаяларан мур | палеозой-кайнозой |
| Майда | 1400 км² |
| Дохалла | 1100 км км |
| Шоралла | 180 км |
| Уггар лекха меттиг | |
| Уггар лекха бохь | Эльбрус |
| Уггар лекха меттиг | 5642 м |
| Лаьтта меттиг | |
| 42°30′ къ. ш. 45°00′ м. д.HGЯO | |
 Медиафайлаш Викилармехь | |
Йоккха Кавказ яьржина къилбаседа-малхбузера Ӏаьржа хӀордйистан Анапера а, Таманан ахгӀайренера а, Каспий-хӀордан Апшеронан ахгӀайрене, Бакохан герга кхаччалц, 1100 км сов. Йоккха Кавказан уггаре шуьйра меттиг Эльбрус лам болчохь ю (180 км гергга). Семанан декъехь лаьтта Коьрта Кавказан (я Хидоькъен) дукъ, цунна къилбаседехьа цхьа могӀа параллеле даккъаш ду (ламанан зӀенаш), царна йукъахь моноклиналан (куэстин) амале а (хьажа Йоккха Кавказ). Йоккха Кавказан къилбен басе доккхачу декъехь лаьтта кулисакепара даккъех, уьш тӀелетта ду Коьрта Кавказан дукъан. Ламастехь Йоккха Кавказ йекъало 3 декъе: Малхбузен Кавказ (Ӏаьржа хӀорд тӀера Эльбрус тӀекхаччалц), Юккъера Кавказ (Эльбрус тӀера Башлам тӀекхаччалц), Малхбален Кавказ (Башлам тӀера Каспий-хӀорд тӀекхаччалц).
Билгалдахарш нисйе бӀаьра
- ↑ Откупщиков Ю. В. Очерки по этимологии. — СПб.: Изд. С.-Петербургского университета, 2001. — 479 с. — С. 310—318. — ISBN 5-288-02121-X
Хьажоргаш нисйе бӀаьра
- Кавказские горы на сервисе Яндекс.Панорамы.
- Массальский В. И. Кавказский хребет // Энциклопедический словарь Брокгауза и Ефрона: В 86 томах (82 т. и 4 доп.). — СПб., 1890—1907.
- Документальный фильм «Природа Кавказа».
- Zaur Gasimov, The Caucasus, EGO — European History Online, Майнц: Institute of European History, 2011, проверено 16 июня 2011.