Акаев, Даша Ибрагимович — Версийн башхалла

'''Ака́ев, Даша́ Ибраги́мович''' ([[1910]] шараншеран [[5 апрель]], [[Шалажа]], [[Хьалха-Мартан кIошт]] — [[1944]] шараншеран [[26 февраль]], [[Раквере]], [[Эстони]]) — хьалхара [[нохчий]]н [[лётчик]], [[Сийлахь-Боккха Даймехкан тӀом|Сийлахь-Боккха Даймехкан тӀеман]] декъашхо, [[майор]], Балтийски флотан 9 штурмовой дивизин 35 штурмовой авиаполкан командир.

Иза винера [[1910]] шараншеран [[5 апрель|5 апрелехь]] [[Шалажа]]хь ([[Хьалха-Мартан кIошт]]). Цуьнан да вара [[Акха дивизи]]н [[ветеран]] Ибрагим Акаев. 1920-гӀа шераш долалучу хенахь цера доьзалла кхелхира [[Закан-Юрт]]е ([[ТӀехьа-Мартан кӀошт]]). Дашаc чекхъяккхира Ермоловски школа-интернат, [[Ростов]]ан ФЗУ а.

Цо «[[Ростсельмаш]]» заводехь слесарь болх бира. Шен мукъа хан хилча иза аэроклубе оьхура. [[1931]] шараншеран январехь Даша деша вахара [[Бийск]]ехь йолу Хьалхара вовшахтоьхна граждански авиацин пилотин школе. [[1933]] шарахь Акаевс и школа чекхъяккхин Кавказал дехьара юртбахаман авиацин пилот хилира.

[[1942]] шараншеран январь чекхболуш хенахь Акаев кхечира ЦӀен Байракхан Балтикан флоте. Цо леладора [[МБР-2]] цӀе йолу кеманаш. [[1942]] шараншеран [[15 август]]ехь тӀеман кхиамашан цунна елира ЦӀен Седан орден.

[[1944]] шараншеран [[23 февраль|23 февралехь]] цунна хиира нохчийн цӀера бахар. [[26 февраль|26 февралехь]] иза а, цуьнан ворхӀ накъост а велира Раквере аэродроман тӀе бомбанаш ятташ хенахь. Иза хьалхатеттира Советски Союзан Турпал цӀе яларна, амма нохчий ву аьлла иза чекхцавалийтира.