Капитан (футбол)

Футболехь командин капитан ву официалан хьалхелелорг цуьнан ловзархошна йукъахь. Дукхах дерг иза хуьлу воккханиг йа уггаре зиеделла командин декъахо йа матчан жамӀан боккха Ӏаткъам бан таро йолу ловзархо. Командин капитан кхечу ловзархойх къастало аьрру пхьаьрсах йоьхку билгалонца.

Командин капитан хилар билгалдоккхуш йоьхкхург ФИФАн лозунгца "My Game is Fair Play"

Тотти Франческо «Ромин» капитанан билгалонца

Ловзаран бакъонашца, капитанан официалан функцеш ю матч йолалуш кхожехь дакъа лацар (агӀонийн кевнаш а, футболан буьрка ловзаран йукъаяккхаран а команда) а, матчал тӀаьхьа пенальтийн серел хьалха а. Бакъонашца, капитанан йац башха бакъонаш а, кхечарал гӀоли а вац иза, суьдхочун сацам къийса, амма цуьнца цхьаьна жоьпалла ду цунна тӀаьхь шен командин ловзархоша низам лардарехь. Оцу бахьнехь бен таро йац суьдхочун капитанца къамел дан.

Кегийрхойн а, езархойн а футболехь, командин капитана дукха хьолехь профессионалан футболехь командин тренеран тӀедехкина декхарш кхочуш до. Капитана жоп ло командин къийсамийн доьналлаех: нагахь къийсамийн доьналла командехь лахделлехь, цуо ир-кара хӀитто беза ловзархой, иштта ойуш къийсамийн доьналла .

Командин капитан дукха хьолехь хӀоттаво куьйгалло йа хоржу командин ловзархоша шо долалуш. Командин капитан хӀоттор, чӀогӀа ладаме харжам бу тренеран, хӀунда аьлча капитан тренеран гӀоьнча ву футболан аренан тӀехь. Цхьайолчу командашкахь капитан автоматаца хуьлукомандехь уггаре дукха матчашкахь левзина ловзархо.

Нагахь капитан цхьаьна бахьанца матчехь ловза йиш йацахь, капитанан декхарш тӀедохку хӀоттийначу вице-капитанан йа командин кхечу ловзархочун. Капитано башха роль ловзайо командин МХГӀ йукъаметтигехь, иза ву командо даьккхина совгӀат схьаоьцу а, хьалаойу а хьалхара ловзархо.

Капитано шенан тӀелаца мега цхьацца декхарш, масала къоначу ловзархошна гӀоьнна самукъа доккху, къийсамийн доьналла ойу болх хӀоттор.

Вице-капитан

Вице-капитан — стартан хӀоттаман йукъа ца вахана йа хийцина командин капитан цхьацца бахьнашца хуьйцу ловзархо. Цул тӀаьхьа вице-капитано шен тӀелоцу юьззина капитанан роль.

Вице-капитан командин оьшу капитан аренан тӀехь ловзуш хилча а. Тардолуьйту, цуо капитано санна шена тӀаьхьа бигар ловзархой, къоначу ловзархошна Ӏемаш гӀодар.

Дукха хьолахь капитан санна вице-капитан а хӀоттаво зиеделла йа матчан жамӀан боккха Ӏаткъам бен ловзархой. Тренеро дукхах дерг хӀоттаво вице-капитан а, капитан а шо долалуш; цхьацца командашкахь уьш хоржу ловзархоша.

Капитанийн рекордаш

Кхаа футболисто бен ца йаьккхина дуьненан а, Европин а чемпионаташ, шеш къоман командин капитанаш болуш: Франц Беккенбауэра йаьккхина 1974 шеран дуьненан чемпионат, 1972 шеран Европин чемпионат; Дидье Дешама йаьккхина 1998 шеран дуьненан чемпионат а, 2000 шеран Европин чемпионат; Икер Касильяса йаьккхина 2010 шеран дуьненан чемпионат а, т\аьхьий-хьалхий шозза Европин чемпионат: 2008 шеран Европин чемпионат а, 2012 шеран Европин чемпионат а.

Капитанаш — дуьненан чемпионаш

• 1930 — Хосе Насасси (Уругвай)
• 1934 — Джанпьеро Комби (Итали)
• 1938 — Джузеппе Меацца (Итали)
• 1950 — Обдулио Варела (Уругвай)
• 1954 — Фриц Вальтер (ФРГ)
• 1958 — Идералду Беллини (Бразили)
• 1962 — Мауро Рамос (Бразили)
• 1966 — Бобби Мур (Ингалс)
• 1970 — Карлос Алберто Торрес (Бразили)
• 1974 — Франц Беккенбауэр (ФРГ)
• 1978 — Даниэль Пассарелла (Аргентина)
• 1982 — Дино Дзофф (Итали)
• 1986 — Диего Марадона (Аргентина)
• 1990 — Лотар Маттеус (ФРГ)
• 1994 — Дунга (Бразили)
• 1998 — Дидье Дешам (Франци)
• 2002 — Кафу (Бразили)
• 2006 — Фабио Каннаваро (Итали)
• 2010 — Икер Касильяс (Испани)
• 2014 — Филипп Лам (Германи)
• 2018 — Уго Льорис (Франци)

Капитанаш — Европин чемпионаш

• 1960 — Игорь Нетто (ССРС)
• 1964 — Ферран Оливелья (Испани)
• 1968 — Джачинто Фаччетти (Итали)
• 1972 — Франц Беккенбауэр (ФРГ)
• 1976 — Антон Ондруш (Чехословаки)
• 1980 — Бернард Диц (ФРГ)
• 1984 — Мишель Платини (Франци)
• 1988 — Рууд Гуллит (Нидерландаш)
• 1992 — Ларс Ольсен (Дани)
• 1996 — Юрген Клинсман (Германи)
• 2000 — Дидье Дешам (Франци)
• 2004 — Теодорос Загоракис (Желтойчоь)
• 2008 — Икер Касильяс (Испани)
• 2012 — Икер Касильяс (Испани)
• 2016 — Криштиану Роналду (Португали)