Википеди

Мате (малар)

Мáте, матэ, парагвайн чай — дакъийна, кигар дина Падуб парагвайн ораматан гӀашшах долу малар. Иза шуьйра леладо Къилба Америкин мехкашкахь[1]: Аргентинехь, Парагвайхь, Уругвайхь, Бразилин къилба регионашкахь.

Мате и малар кечден ламастан пхьегӀан калебас чохь

Матес тонус тойяран Ӏаткъам бо центран нервийн системан шен чохь долу кофеин бахьнехь, падубан гӀаш йукъара цуьнан барам кхочу 0,7—2,0 %, ткъа 100 мл кийча маларна йукъахь 30—60 мг[2][3].

Истори

бӀаьра нисйан

Европахой Къилба Америке кхачале, оцу континентан бухара бахархоша молура Паранан а, Парагвайн а бассейнашкахь[4] акха кепара долу мате. XVII бӀешарахь Шина эркан йукъахь иезуиташа долийра кхио парагвайн падуб, и болх дӀабаьхьира XVIII бӀешо чекхдаллалц (цигара ю «иезуитийн чай»[1] цӀе). Цул тӀаьхьа мате дар дитира. XIX бӀешо чекхдолуш — XX бӀешо долалуш иза метахӀотто долийра, цуо марзбира Аргентине мухажираш, коьртаниг Бразилин къилба кӀошташкара реэмигранташ, дукхах берш царех бара полякаш а, немцой а[5].

ЦӀе

Испанхойн дош «мате» даьлла кечуан меттара mati, гӀабакхах йина маларан пхьегӀа ю иза (коьртаниг шишан)[1][6]. Падубан малар кечдеш долу гӀашшах испанхойх олу «ерба мате»[1] (испан. yerba mate), иза гочдо «мате буц» олий. Нохчийн, оьрсийн меттанашкахь «мате» олу тӀаьхьара аз озош, ткъа испанхойн маттахь хьалхарниг озадо[7].

Кечдар

бӀаьра нисйан

Кечдаран а, маларан а ламастан хьесап иштта ду: цхьа пхьегӀа (кад, зӀока, стака, армуду) юзу мате бецах кхаа декъах ши дакъа дуззалц. Цунна чу фильтарца трубка йогӀуьйту буха (бомбилья), чуяхана меттигал чу 75 °C температура йолу хи дутту. Хи чекхдолу бецан чкъоьрах, экстрагаци йо цунна чуьрчу хӀуманашна. Мега сихха дӀамала малар. Молуш хи тӀетуху масийттаза.

Хьажа кхин а

бӀаьра нисйан
  • Терере — шийла мате, я мате парагвайн хьесапера.
  • Кудин — цийн малар, до шуьйра гӀа долчу падубан гӀашшах.

Билгалдахарш

бӀаьра нисйан
  1. ↑ 1 2 3 4 Большая российская энциклопедия, 2011.
  2. ↑ Yerba mate. Tropical plant database (инг.). rain-tree.com. ТӀекхочу дата: 2018 шеран 31 октябрь.
  3. ↑ Содержание кофеина в мг, по данным rain-tree.com, в пересчёте на 100 мл напитка.
  4. ↑ Буданцев, 1981.
  5. ↑ Пименова, 1974.
  6. ↑ Калебас // Большая российская энциклопедия. Том 12. — М., 2008. — С. 488.
  7. ↑ Справочное бюро. Вопрос № 253989. Грамота.ру. ТӀекхочу дата: 2018 шеран 31 октябрь. Архивйина 2013 шеран 4 октябрехь

Литература

бӀаьра нисйан
  • Буданцев Л.Ю. Семейство падубовые (Aquifoliaceae) // Жизнь растений (в 6 т.). Том 5. Часть 2: Цветковые растения / Под ред. А.Л. Тахтаджяна. — М.: Просвещение, 1981. — С. 313. — 511 с.
  • Пименова Р.А. Аргентина : Экономико-географическая характеристика. — М.: Мысль, 1974. — С. 121—122, 223. — 239 с.
  • Ершова Е.А. Мате, или 33 удовольствия // Феномен удовольствия в культуре. Материалы международного научного форума. 6-9 апреля 2004 г / Сурова Е.Э. — СПб.: Центр изучения культуры, 2004. — С. 186—189. — 389 с.
Энциклопедин йаззамаш
  • Матэ // Большая российская энциклопедия. Том 19. — М., 2011. — С. 392.
  • Мате // Большая советская энциклопедия. Том 15. — 3-е изд. — М., 1974. — С. 467.
Хьост — «https://ce.wikipedia.org/w/index.php?title=Мате_(малар)&oldid=9831180»