Бисултанов, Хасан Делимбекович

Хусейн Озкан
Хусейн Озкан
Шех лаьцна
Стен-боьршалла	боьршаниг
Пачхьалкх	СССР → ; Росси → ; Туркойчоь
Говзалла	Дзюдо
Вина терахь	1972 шеран 20 январь (52 шо)
Вина меттиг	Устрада-ГӀала, Нохчийн Республика, РСФСР, СССР
Тренераш	Куцель, Феликс Петрович
Локхалла	168 см
Йозалла	66 кг
СовгӀаташ а, мидалш а
	Дзюдо
Российн тобанехь волуш
Европин чемпионаташ
Олимпан ловзарш
Туркойчоьнан тобанехь волуш
Дуьненан чемпионаташ
Европин чемпионаташ

ХӀокху терминан кхин а маьӀнаш ду, хьажа Бисултанов.

Хасан Делимбекович Бисултанов (Хусейн Озкан) (1972 шеран 20 январь, Устрада-ГӀала, Нохчийн Республика, РСФСР, СССР) — хӀинца Туркойчохь Ӏаш волу нохчийн дзюдоист, 2-за СССР чемпион, 1997 шарахь Европин чемпион, 1999 шарахь дуьненан чемпионатехь дато совгӀатхо, 2000 шарахь Олимпиадан чемпион. Иза ву 168 см лекха а, 68 кг веза а.

Биографи

Вина 1972 шарахь Устрада-ГӀалахь. Школехь волавелира дзюдо аьха. Ши шо даьлча цо спортан мастеран норматив кхочуш йира. Армехь а иза вара дзюда Ӏамош а, йахьаллонашкахь дакъа лоцуш а. 1990 а, 1991 а шерашкахь иза кегирхойн йукъара СССР чемпион хилира, 1991 шарахь иза хилира юниорашна йуккъера Европин чемпион.

Ши шо даьлча цо Европин чемпионатехь дато мидал йаьккхира. 1994 шарахь Нохчийн Республикехь баьлла тӀом бахьнехь цуьна цӀера вала дийзира. Цо Туркойчоьнан гражданалла тӀелецира. Цуьна керла цӀе эца дийзира — Хусейн Озкан.

1997 шарахь иза 65 кг йозаллин категорехь Европин чемпион хилира. 1999 шарахь дуьненан чемпионатехь дато мидал а йаьккхира, Европин чемпионатехь борзан мидал а йаьккхира. 2000 шарахь Озканс Сиднейхь хилла йолу Олимпиадехь дакъа лецира. Йахьаллонан финалехь цо Францера волу Ларби Бенбудауд цӀена эша а вина чемпион хилира - нохчишна йукъара хьалхара Олимпиадан чемпион.

Олимпида чекхйалча иза масийттуза лазийра. Амма иза йуха а Туркойчоьнан чемпион а хилира, Европин чемпионатехь борзан мидал а йаьккхира. 2004 шарахь хилла йолу Олимпиадехь цуьнга дакъа ца лацаделира иза лазваран бахьнехь.

Хьажоргаш

Спорт Нохчийчоь Адамаш