Коьрта меню схьаелла

Шотла́нди (инг.  а, скот. а Scotland, гэлийн. Alba) — Йоккха Британин автономин административан-политикан дакъа долу мохк[1][2][3].

Шотланди
инг.  а, скот. а Scotland
гэлийн. Alba
ирл. Albain
Байракх ХӀост
Байракх ХӀост
Девиз: «In My Defens God Me Defend - Со ларбарехь Дала ларбо со!»
Шатлакхан Илли: «Flower of Scotland»
Scotland in the UK and Europe.svg
Шотланди латтар (таьӀна-баьццара):
Европехь (таьӀна-сира)
Йоккха Британехь (сирла-баьццара)
Официалан мотт ингалсан, гэлийн, скотс
Коьрта гӀала Эдинбург
Яккхий гӀаланаш Глазго, Эдинбург, Абердин, Данди
Урхаллин тайпа Парламентан монархи
Латта
 • Дерриг 78 722[1] км²
хина тӀехле 3
Бахархой
 • Мах хадор (2018) 5 438 000 адам.
ДЧС (мах)
 • Дерриг (2013) 245 267 млн[2] долл.
Бахархойн цӀерш шотланхо, шотландхой
Ахча Стерлингийн фунт (GBP)
Интернет-домен .scot
Телефонан код +44
Сахьтан асаш UTC±0:00 (аьхка UTC+1:00)
  1. Scotland in short (ингалс.) (pdf). gov.scot (2003.02.17). Теллина 2015.12.06.
  2. Economy Statistics (ингалс.). gov.scot. Теллина 2015.12.06.

ДӀалоцу Йоккха Британи гӀайренан къилбаседа дакъа, латта тӀехула доза ду Ингалсца. Кхечу агӀонашкахь Атлантикан океанан хӀордаш ду: Къилбаседа хӀорд малхбалехь, Къилбаседа хидоькъе а, Ирландин хӀорд а малхбузехь а, къилба-малхбузехь а. Британин гӀайрен тӀиера коьрта мохк боцуш, Шотландин иштта ду 790 гергга жима гӀайренаш, дукха дерш тӀехь стаг а воцуш[4].

Эдинбург — Шотландин коьрта гӀала а, барамца мехкан шолгӀа гӀала а ю Глазгон тӀаьхьа. XVIII бӀешарахь Эдинбургах хилира Шотландин Ӏилман юкъ, цуо Шотландин ладаме коммерцин а, Ӏилман а, промышленностан а Европан регион хила таро йира. Глазго — уггаре йоккха мехкан гӀала ю, цхьана хенахь яра дуьненан промышленностан гӀаланех хьалха[5]. Шотландин ду Атлантикан океанан хин дакъа, масала, Къилбаседа хӀордах, цунна чохь яккхий мехкдаьттан меттигаш ю. Барамца мехкан кхоалгӀа гӀала ю, Абердин, Европан мехкдаьттан а, энергетикан а коьрта гӀалацӀе лелайо[6].

Шотландин паччахьалла — маьрша пачхьалкх хилла 854 - 1707 шерашкахь. 1603 шарахь СтюартгӀеран некъех волу Шотландин паччахь Яков VI-гӀа Ингалсан а, Ирландин а дуьххьара паччахь хилира. 1706 шарахь Шотландин а, Ингалсан а юкъахь «Униях барт» кӀела куьг таӀийра, ткъа 1707-гӀа шарахь шинне а мехкан парламенташа ратификации йира «Униях актан», цуо кхоьллира Йоккха Британин паччахьалла[7][8], цул тӀаьхьа Шотландин парламент дӀасахийцира, ткъа марталлин парламент болх бан йолаелира Вестминстерехь.


Шотландин бакъонан система Ингалсан а, Уэльсан а, Къилбаседа Ирландин системех маьрша йисира, иштта, махкахь лелайо шайн долара а, публикан а юакъо[9]. 1997 шеран референдумал тӀаьхьа, 1998 шарахь хилла Шотландин акто 1999 шарахь меттахӀоттийра Шотландин парламент. 2014 шеран 18 сентябрехь махкахь дӀаяьхьна Шотландин маршонан референдум, цуьнан жамӀашца кхаж тесначарех 55,3 % лаам гайтира Йоккха Британин юкъахь йиса[10]. 2016 шеран 23 июнехь Европан барт юкъара арадовларх референдумал тӀаьхьа, цигахь 62 % Шотландин бахархоша кхаж тесира мохк ЕБ юкъара арабаларан дуьхьала (38 % реза бара), Шотландин правительствос[en] сацам бира, шен йозаш йоцу арахьара политика лелор, Европан барт юкъахь дакъа а долуш[11][12].

ЦӀеран этимологиНисъе

Шотланди дош даьлла латинан дешах Scoti, цуо билгала бохура гэлаш. ТӀаьхьарчу латинехь Scotia («Гэлийн латта») цӀарца кхетайора Ирланди. XI бӀешарахь оцу дешан кхетам бара Шотландин Форт эркан къилбаседехьара дакъа[13]. ХӀинцалера мехкан латтах ТӀаьхьарчу БӀешерашкахь ала долийра Scotland, ткъа цигахь дехачу адамех, — Scots [7].

ИсториНисъе

Шира историНисъе

Шотландехь дуьххьарлера адамаш 13 эзар шо хьалха, ТӀаьххьара шен мур чекхбаьллачул тӀаьхьа, гучудевлла хилар тардолийта Ӏилманчаша[14]. Дуьххьарлера гӀишлош йина 9 500 шо гергга хьалха, ткъа гуттара беха бахархой — 6 эзар шо хьалха. Царех ю неолита муьрера дика лаьттина цхьа эвла — Оркнейн гӀайренаш тӀиера Скара-Брей. Оцу муьран кхин иэсаш хаало Арахьара Гебридийн а, Шетландин а гӀайренаш тӀаьхь, иза кхетадо кӀезиг ораматаш а хилла, шайн хӀусамаш тӀулгех ян езарца[15].

Руман ӀаткъамНисъе

Шотландин йозан истори йолало Румо Британи яккхарца. Яьккхинчул тӀаьхьа царна руман провинций статус елира, ала долийра Британи, иза бара хӀинцалера Ингалсан а, Уэльсан а мохк. Къилба Шотландин дакъа кӀеззиг йолчу хенан карадахара Руман дуьххьала дӀа йоцучу тергонан. Къилбаседехьа лаьттара Румо даханза латтанаш, — пиктийн а, гэлийн а тайпанаш деха Каледони. Руман историко Тацита дийцарехь, каледонхоша йолийра «йоккха масштабан тӀеман дуьхьало», румхойн легионашна тӀелеташ. Цхьаьна буьйсана тӀелетта хӀаллакйира IX Испанин легион, ерриг хӀаллакъярх кӀелхьара яьккхира иза Гней Юлий Агриколан дошлой тӀелатаро[16].

Вайн эран 83—84 шерашкахь Агриколас иэшийра каледонхой Граупийн лаьмнашкара тӀамехь. Тацита дийцарехь, тӀом болалуш каледонхойн тхьамда Калгак вистхилира шен тӀемлошка, цуо царех «лайн буржолаш цадевза нах» элира[17]. толам баьккхинчул тӀаьхьа румхоша йира Гаск-Ридж фортийн цхьа аса, амма кхо шо даьлчи юхабевлира Къилба-Шотландин акъарин тӀе[18].

Британин мохк ларбархьама, 122—126 шерашкахь румхоша Адрианан вал бира[19], цунах Империн къилбаседа доза хилира. ТӀаьхьа, 144—146 шерашкахь кхин а къилбаседехьа, Юккъерашотландин аренахь бира Антонинан вал, иза битира императоран Септимий Северан омарца 208 шарахь[19].

Шотландин доккхаха долу дакъа руман куьйгакӀелахь 40 шарахь бен ца лаьттинехь а, цуо ладаме Ӏаткъам бира тӀехь вотадинаш а, дамнонеш а беха мехкан къилба декъана. Валлийхойн Yr Hen Ogledd (Шира Къилбаседа) цӀе лелайора, румхой дӀабаханчул тӀаьхьа, Къилбаседа Ингалсан а, Къилба Шотландин а мехкашкахь кхоллаелла паччахьаллаш билгалйохуш[19]. IX а, X а бӀешерийн тептаршца, IX бӀешо кхочуш Малхбуза Шотландин махкахь кхоьллира гэлийн паччахьалла Дал Риада[20][21].

Юккъера бӀешерашНисъе

Пиктийн паччахьаллашна юкъахь уггаре йоккханиг яра Фортриу, иза евзара Alba я Scotland цӀарца. Пикташ масийттаза кхечира уггаре лакхарчу кхиаме: Бруде III-гӀачун (671—693) урхаллехь Нехтансмерера тӀом чекхбаьлча а, Энгус I-чун урхаллехь а[22].

Шотландин паччахьалла кхоьллина шо лору 843, скоттийн а, пиктийн а цхьаьнатоьхна паччахьаллин паччахь Кеннет Макальпин хиллачул тӀаьхьа.

ТӀаьхьарчу бӀешерашкахь Шотландин паччахьалла шоръелира хӀинцалерачу Шотландин дозанашка кхаччалц. Давид I-чун урхаллехь Шотланди хилира феодалийн паччахьалла, цунна чохь урхаллин хийцамаш бира, юкъаяьккхира бургийн система.

Оцу муьрехь мехкан латта тӀе кхелха французийн а, ингалс-французийн рыцарш а, килсан гӀуллакххой а. Иза бахьнехь паччахьаллин малхбален а, къилба-малхбален а мехкаш ингалс мотт буьйцуш хилира, ткъа бисина махко буьйцура гэлийн мотт, ткъа Оркнейн а, Шетландин а гӀайренаш буьйцура норвегийн мотт, Норвегийн паччахьаллин куьйга кӀела йисира 1468 шо кхаччалц[23][24]. XII а, XIV а бӀешерашна юкъахь Шотландехь хӀутту дикка паргӀата мур, оцу хенахь хилира машаре юкъаметтигаш Ингалсца, кхиира континентца йохк-эцаран юкъаметтигаш, ткъа цхьаболу Ӏилманчийн, масала, Иоанн Дунс Скот санна болчеран, боккха Ӏаткъам бара мехкал генна арахьа.

XIII бӀешо Шотландин ладаме зиеделларг хилира. 1286 шарахь паччахь Александр III-гӀа веллачул тӀаьхьа ца бисира когаметта болу божарий, цундела паччахь-аьзни кхайкхийра Маргарет, Норвегин паччахьехь Эрик II-гӀачунгахь марехь йолу Александр III-гӀачун йоьӀан йоӀ. Ингалсан паччахь Эдуард I-ра гӀоьртира Шотланди юха а куьйга кӀела лаца, цуо йийхира паччахь-аьзни Маргарет шен паччахь хин волчу кӀантана Эдуард II-гӀачун, иза жима йоллушехь. Амма Маргаретан ловзар а, тажтиллар а ца хилира, новкъахь иза шелон лазар кхетта, шотландин латта тӀе кхачале елира Оркнейн гӀайренаш тӀехь.

Уллера гергара когаметтаберш дӀабевлира, 1290 шарахь Ӏарше кхача лаам дӀахаийтира масех кандидата, царна юкъахь Давид Хантингдонан йоккхаха йолчу йоьӀан кӀант Иоанн Баллиол а (паччахьийн Малькольм IV-гӀачун а, Вильгельм I Лоьман а ваша), Давидан юккъерачу йоьӀан кӀант Роберт Брюс, 5-й лорд Аннандейла а. Луучех цхьаъ вара ша Эдуард I-ра а, иза вара Матильда Шотландин тӀаьхьенах. Амма ингалсан паччахьо ша харжаран мах лахара буй хууш, «Боккха Къовсаман» суьдан коьрте хӀоьттира, дов листархьама. 1292 шарахь Эдуард I-чо сацам бира Иоанн Баллиолехьа, 1292 шеран 30 ноябрехь Иоанна Шотландин паччахьан тажтиллира. Шен гӀолацарна баркалла олуш Иоанн I Баллиола къобал йира Ингалсан сюзеренитет[25].

Тажтиллин йолушехь, Иоаннан Ӏаршан бакъо къобал ца йира Брюс, Роберт, Аннандейлан 5-гӀа лорд коьртехь волу шотландин баронийн цхьаьна декъо. Ткъа Эдуард I волавелира Шотландица юкъаметтигаш лело иза шайн куьйга кӀелара мохк болуш санна, Иоаннан дийзийтира ингалсан суьдашкахь жоп дала шотландийн доьвнаш луьстуш, хӀиттайора шотландийн гӀопашкахь ингалсан гарнизонаш. Ингалсан Ӏаткъам лагӀбар Ӏалашо йолуш Иоанн Баллиола 1295 шарахь карлабаьккхира Шира барт олуш болу Францица а, Норвегица барт, тӀаккха виллина дуьхьалавелира Эдуард I-чун[25].

БилгалдахаршНисъе

  1. http://bse.sci-lib.com/article124364.html Большая советская энциклопедия
  2. WebCite query result (ингалс.). www.webcitation.org. Теллина 2018 шеран 3 апрелехь.
  3. WebCite query result (ингалс.). www.webcitation.org. Теллина 2018 шеран 3 апрелехь.
  4. ГӀалат дешнаш далорна Тег <ref> нийса яц; тIетовжаран short йоза яздина дац
  5. A Quick Guide to Glasgow (ингалс.). glasgowcitycentre.co.uk. Теллина 2015.12.06.
  6. Welcome to Aberdeen. scottishaccommodationindex.com. Теллина 2015.12.06 lang=en.
  7. 1 2 Keay, John, Keay, July Collins encyclopaedia of Scotland. — London: HarperCollins, 1994. — 1046 с. — ISBN 0002550822
  8. Mackie, J.D. A history of Scotland. — Baltimore: Penguin Books, 1964. — 406 с.
  9. J.G. Collier Conflict of Laws (ингалс.) (pdf). Cambridge University Press. Теллина 2015.12.06.
  10. In maps: How close was the Scottish referendum vote? (ингалс.). bbc.com. Теллина 2015.12.06.
  11. Шотландия собирается провести референдум о независимости - BBC Русская служба (оьр.). Теллина 2016 шеран 25 июлехь.
  12. MSPs give Nicola Sturgeon mandate to hold direct EU talks. www.scotsman.com. Теллина 2016 шеран 25 июлехь.
  13. Ayto, John, Crofton, Ian Brewer's Britain & Ireland: The History, Culture, Folklore and Etymology of 7500 Places in These Islands.. — London: Weidenfeld & Nicolson, 2005. — 1326 с. — ISBN 030435385X
  14. Moffat, Allistair Before Scotland : the story of Scotland before history. — London: Thames & Hudson, 2005. — 352 с. — ISBN 050005133X
  15. Pryor, Francis Britain B.C. : life in Britain and Ireland before the Romans. — London: Harper Perennial, 2004. — 488 с. — ISBN 000712693X
  16. The Romans in Scotland (ингалс.). bbc.co.uk. Теллина 2015.12.06.
  17. Публий Корнелий Тацит Жизнеописание Юлия Агриколы / Утченко, С.Л.. — М: Ладомир, 1993. — Т. I. — ISBN 5-86218-024-9, 5-86218-021-4
  18. Edwards, Kevin, Ralston, Ian Scotland after the Ice Age : an environmental and archaeological history, 8000 BC - AD 1000. — Edinburgh: Edinburgh University Press, 2003. — 336 с. — ISBN 0748617361
  19. 1 2 3 Snyder, Christopher A. The Britons. — Malden: Buckwell Publishing, 2003. — 331 с. — ISBN 063122260X
  20. Dalriada: The Land of the First Scots (ингалс.). bbc.co.uk. Теллина 2015.12.06.
  21. Scot Ancient people (ингалс.). britannica.com. Теллина 2015.12.06.
  22. Brown, Michelle, Ann Farr, Carol Mercia : an Anglo-Saxon kingdom in Europe. — London ; New York: Continuum, 2003. — 386 с. — ISBN 0826477658
  23. Whiters, Charles W.J. Gaelic in Scotland, 1698-1981 : the geographical history of a language. — Edinburgh: John Donald, 1984. — С. 16—41. — 352 с. — ISBN 0859760979
  24. Barrow, Geoffrey W.S. Robert Bruce and the community of the realm of Scotland. — Edinburgh: Edinburgh University Press, 1988. — 421 с. — ISBN 0852246048
  25. 1 2 Scotland Conquered, 1174-1296 (ингалс.). nationalarchives.gov.uk. Теллина 2015.12.06.