Алжазаирин бахархой

Алжазаирин бахархой 2015 шеран хьолан хилира 41,32 млн стаг (34-гӀа меттиг дуьненахь). Алжазаирхойн барам цхьаьнаэшшара тӀекхеташ бу, бераш даран барам 2015 шарахь хилира 23,67 ‰ (63-гӀа меттиг дуьненахь), далар — 4,31 ‰ (203-гӀа меттиг дуьненахь), ша-шах тӀекхетар — 18,4 ‰ (60-гӀа меттиг дуьненахь) . Исторехь бахархой барам сихачу боларца тӀекхийтира: 1900 шарахь — 4,6 млн стаг, 1930 — 5,5 млн, 1970 — 13,7 млн, 1987 — 23 млн, 2006 — 32,9 млн. Алжазаирехь беха Ӏаьрбий а, европахойх ийна, бухара берберийн къаьмнаш. Европахой дукхаха берш французаш бу. Адам охьахиина къилбаседин бердйисте, алсама дакъа деха гӀаланашкахь, Саьхьарин цхьацца кӀошташкахь луьсталла 1 км² 1 стагал кӀезиг ю . Официалан мотт — Ӏаьрбийн, лелабо кхин а французийн а, берберийн а меттанаш . Алжазаирхоша массара а леладо ислам дин (99 %). Махкара дешаран система йисина французийн колонийн заманара . Ладаме бала бу махкахь говза медицинин белхалой латтор. Бахархойн гӀийлачу чкъоьран социалан Ӏуналлин шайн пачхьалкхан система ю. Демографин а, социологин а талламаш махкахь бо цхьа могӀа пачхьалкхан а, Ӏилманан-дешаран а кхолламашкахь. РогӀехь дӀахьо бахархой багарбаран белхаш .

Алжазаирин бахархой
Барам	39,54 млн стаг
Луьсталла	15,9 ст/км²
Далар	4,31 ‰
Миграцин коэффициент	0,92 ‰
Хенан структура
14 шо кхачанза	28,75 %
15–64 шо	65,9 %
65 шерера бевлла	5,35 %
Сте-боьршаллин структура
Берриш	1,03 бож./зуд.
15 шо кхачанза	1,05 бож./зуд.
15–64 шо хенара	1,03 бож./зуд.
65 шерера бевлла	0,86 бож./зуд.
Этносан тобанаш
Къам	алжазаирхой
Уггаре доккха этнос	Ӏаьрбий
КӀезиг къаьмнаш	бербераш
Мотт
Официалан	Ӏаьрбийн, берберийн
Чохь буьйцу	французийн