Маза (даар)

Маза йа мазат (Ӏаьрб., مَزة, желт. μεζέ, болг. мезé, макед. мéзе, схьадаьлла туркойн meze, юьхьанцара гӀажарийн مزه «чам, тӀекхоллург»^[1]^[2]) Малхбален Лаьттайуккъера хӀордан йистехь — тӀекхоллучийн йа кегийра даарийн, дукха хьолахь ло вахоран маларшца, масала къаркъанца, узоца, ракыца, ракияца йа тайп-тайпана чагӀаршца.

ХӀокху терминан кхин а маьӀнаш ду, хьажа Маза (маьӀнаш).

Ливанан кухнехь а, Кавказехь а, алсама Эрмалойчоьн а, Гуьржийчоьн а кухнешкахь, и даар охьадуьллу тӀекхоллург санна, доккхачу дааран дакъа санна^[3]. Нагахь, мазаца вахо маларш дацахь, цунах Ӏаьрбийн дашца олу мукъаббилат.

Желтойн маза: зайтдаьтта тоьхна, орегано тесна, зайташца, бепигца кечдина фета нехчанца бошхап

Туркойчохь, мейхан олучу меттигашкахь, маза охьадуьллу ракица (анисан аперитив). Туркойн маза лаьтта кӀайн нехчанах, пастанах, бӀараш йолу цӀиен бурчах, йогуртах, шийла баклажанан салатах, артишоках, далманех, жижиган авголех.

Желтойчохь а, Кипрехь а, маза — довха йа шийла, дукха хьолахь туьха тесна кегийра даарш. ХӀордан сурсаташ а охьадуьллу маза санна. Ресторанашкахь кечдеш долу мезех олу мезедеполион, хьалха дуьллу узо маларца.

Ливанехь маза къоман даар ду. Маза хуьлу жижиг доцуш, жижигца йа чӀераца. Тайп-тайпана тӀедаарш бошхап тӀекхоьхьу мосийттаза, пхиазза - иттазза. Даарш охьадахкаран стандартан рагӀ ю, хьалха охьайохку зайташ, тахиниш, салаташ, йогурташ, тӀаккха хасстоьмаш а, хӀоьаш а тоьхна даарш. Цул тӀаьхьа кегийра жижиган йа чӀеран даарш, тӀаьххьара, охьадохку коьрта даарш, масала, гриль тӀаьхь жижиг. Тайп-тайпанчу хӀума юучу меттигашкахь бес-бесара даарш хуьлу, шайн башхаллаш йолуш, амма охьадилларан схема хийца ца ло. Шеран заманашка хьожжий охьадохку даарш, масала, гуьйренан чаккхенгахь, жижиган метта ло этмаьӀиг. Кечдеш алсама даарш долу дера, дерриг даа аьлла а дац.

Сербехь мазан йукъайогӀу нехча, тӀуо, салями, кхагийна хьакхин жижиг, тайп-тайпана кепара бепиг, ткъа Боснехь а, Герцеговинехь а иза лаьтта онда нехчанех, тӀуох, дакъийна бежанан жижигах, шоврах, дакъийна йоьхьех.

Албанехь мазан бошхап лаьтта прошуттох (Ӏуьргаш долу хьакхин жижиг), салямих, шовранара нехчанех, цаьрца ло кхаьрзина бурч йа зайташ.

Хьажа кхин а

Билгалдахарш

↑ Merriam-Webster Online — определение мезе
↑ Encarta Dictionary Online — определение мезе Архивйина 2009-02-21 — Wayback Machine
↑ Alan Davidson, The Oxford Companion to Food, Oxford University Press, 1999, pp. 500—501.

Хьажоргаш

Викилармехь йу Маза (даар) теман медиафайлаш

[1] Merriam-Webster Online — определение мезе

[2] Encarta Dictionary Online — определение мезе Архивйина 2009-02-21 — Wayback Machine

[3] Alan Davidson, The Oxford Companion to Food, Oxford University Press, 1999, pp. 500—501.

[1]

[2]

[3]