Мальсагов, Ахмед Татарханович

Ахмед Татарханович Мальсагов
Ахмед Татарханович Мальсагов
ГӀуллакхан тайпа	военнослужащий
Вина терахь	1912
Вина меттиг	Аьлти-Йуьртан административан гуо, Несаран гуо, Терски область, Российн импери;
Кхелхина терахь	1942 шеран 7 январь
Кхелхина меттиг	Варваровка, Кременский район, Луганскан область, Украинийн Советийн Социалистийн Республика, ССРС;
	Российн Федерацин Турпалхо

ХӀокху терминан кхин а маьӀнаш ду, хьажа Мальсагов.

Ахме́д Татарха́нович Мальса́гов (1912, Аьлти-Йуьртан административан гуо, Терски область — 1942 шеран 7 январь, Варваровка, Луганскан область) — советски кеманхо, Сийлахь-Боккха Даймехкан тӀеман хенахь — бомбардировщикийн звенон командир, майор. Российн Федерацин Турпал (6.07.1995, веллачул тӀаьхьа).

Биографи

Вина 1912 шарахь Альтиево юртахь (тахана — Несаран кӀошт). ГӀалгӀа.

1937 шарахь цо Сталинградан тӀеман авиацин школа тӀехдика чекхйаьккхина кеманхо-бомбардировщик хилира. ТӀом болабелча иза Ворошиловградан областехь вара. Оцу хенахь иза кеманийн звенон командир вара.

1941 шеран 22, 24, 29 июлехь цо шен кеманца немцойн 10 танк а, пехотан 2 рота а хӀаллакйира.
1941 шеран 5 августехь Первомайскан уллехь цо хӀаллайира 7 мостагӀийн танк.
1941 шеран 6 августехь цо хӀаллакйира немцойн пехотан взвод.
1941 шеран 18 а, 19 а августехь 8 бегӀийла тӀемавалар дира. И бахьнехь цунна фронтан буьйранчас баркалла кхайкхира.
1941 шеран 20-22 августехь цо хӀаллкйира 10 танк а, пехотан рота а, шиъ зенитка.

1942 шеран 7 январехь цунна йелира ЦӀен байракхан орден.

Иза вийнера 1942 шеран 14 январехь. ДӀавоьллина Украинин Ворошиловградски областин Кременски кӀоштан Варваровка юртан уллехь. Цунна Советски Союзан Турпал цӀе йала йеза аьлла цуьнан хьакимаш шозза кехаташ кечдинера, амма цера гӀуллакх ца хилира.1995 шеран 6 июлехь Мальсагован йелира Российн Федерацин Турпалан цӀе.

Доьзалла

Цуьнан жима ваша капитан Магомет Татарханович вара танкийн батальонан командир. 1942 шарахь цунна чолхе чевнаш йинчултӀехь иза госпитале дӀахьажийра. Кхоьчу ЦӀен эскаран эпсаршца цхьана цунна немцош тоьпаш туьйхира.

Билгалдахарш

Хьажоргаш

Антон Бочаров. Мальсагов, Ахмед Татарханович (бил-боцу.). Cайт «Пачхьалкхан турпалхой». ТӀекхочу дата: 2020 шеран 19 июнь.
Биография А. Т. Мальсагова на сайте УФК по Республики Ингушетия Архивйина 2020-06-22 — Wayback Machine.