Ма́ргарет Ма́нерлин Ми́тчелл (инг. Margaret Munnerlyn Mitchell; 8 ноябрь 1900 шо, Атланта, Джорджи, АЦШ16 август 1949 шо, Атланта, Джорджи, АЦШ)[1] — америкин яздархо а, журналист а, «Мохо баьхьнарш» романан автор.

Митчелл Маргарет
Margaret Mitchell
Margaret Mitchell NYWTS.jpg
Йина терахь 1900 шеран 8 ноябрь({{padleft:1900|4|0}}-{{padleft:11|2|0}}-{{padleft:8|2|0}})
Йина меттиг Атланта, Джорджи, АЦШ
Кхелхина терахь: 1949 шеран 16 август({{padleft:1949|4|0}}-{{padleft:8|2|0}}-{{padleft:16|2|0}}) (48 шо)
Кхелхина меттиг: Атланта, Джорджи, АЦШ
Гражданалла: АЦШUS flag 48 stars.svg АЦШ
ГӀуллакхан тайпа: прозаик, журналист
Жигара шераш: 1936—1949
Произведенин мотт: ингалсан
Куьг: Margaret Mitchell signature.svg
Commons-logo.svg Медиафайлаш Викилармехь

1936 шарахь араяьллачу романан делира, 1936 шеран уггаре дика романан, Къоман жайнин совгӀат[2] а, АЦШ 70 сов арахецараллехь араяьлла, 37 дуьненан матте гочйина романна, 1937 шеран исбаьхьаллин литературин Пулитцеран совгӀат а. 1939 шарахь Флеминг Виктор яьккхина Мохо баьхьнарш фильман делира итт «Оскар» совгӀат.

БераллаНисйе

Митчелл Маргарет йина 1900 шеран 8 ноябрехь Атлантехь (Джорджи штат) адвокатан Митчелл Юджинан а, суфражистан Мария Изабеллин а доьзалехь, дукха хьолехь хьахайо Май Белль цӀарца. Цуьнан ши ваша хилла, Митчелл Рассел Стефенс, велла берд олуш 1894 шарахь, Митчелл Александр Стефенс, вина 1896 шарахь[3][4]. Церан дай хилла бевдда ирландхой, ненахой — бевдда французаш[5].

Митчеллан доьзал ден агӀора Митчелл Томасан тӀаьхьенех бара, схьабевллера Абердинширера (Шотланди). Томас 1777 шарахь охьахиира Уилкс графалле (Джорджи штат), АЦШ маршонан тӀеман декъахо а вара. Митчеллан деда, Атлантера Митчелл Рассел Кроуфорд, 1861 шеран 24 июнехь гӀуллакхе вахара Конфедеративан Америкин Штатийн эскаре (КАШЭ), гӀуллакхехь вара Техасан ской Худа бригадехь. Энтитемера тӀамехь цунна чолхе чов йира, даржехь лахаваьккхира «эффекталла ца хиларна», санитар хӀоттийра Атлантехь[6]. Гражданийн тӀом чекхбаьллачул тӀаьхьа, цуо боккха бахам гулбира, Атланта сиха меттахӀотто херхматериалаш латтош. Митчелл Расселан шина зудчо дина кхойтта бер дара; Воккхаха вверг Юджин вара, цуо чекхъяьккхира Джорджин университетан бакъонан ишкол[en][3][7][8].

Митчеллан ненан деда, Филип Фицджеральд, Ирландера мухажир охьахиира лайш бацочу кхаш тӀе Джонсборон (Джорджи штат) герга, цигахь цуьнан шен зудчуьнца Эленорца хилира цхьа кӀант а, ворхӀ йоӀ а. Митчеллан денана Фицджеральд Энни, дедега Стефенс Джонега яхара 1863 шарахь; деда иштта кхелхира Ирландера, цунах хилира КАШ эскаран капитан. Джон Стефенс вара, тӀом дӀабаьллачул тӀаьхьара муьран, хилла ваьлла гӀишлошъяхо а, трамвайн компани Gate City Street Railroad[en] (1881). Джонан а, Энни а СтефенсгӀеран шийтта бер дара; ворӀалгӀа бер дара, Митчелл Юджине яхана, Май Белль Стефенс[8][9][10]. Стефенс Май Белла дийшира Квебекера Белвьюсан килсахь, дешар чекхдаьккхира Атлантин институтехь[4].

Маргаретан бералла дӀаелира генара боцучухиламийн дийцарин атмосферехь, кхин тӀе цуьнан да вара меттигерачу историн юкъараллин председатель. Иштта хӀума дега чу дуьжуш долу беро дас-нанас дуьйцу Гражданийн тӀемах йолу истореш дӀахӀудура, ткъа оцу тӀамах дерг царна цхьамма дийцина хууш дацара. Митчелл Маргаретан деда а, ненада а тӀом беш вара къилбахойн агӀора: цхьанна дӀандарг кхийтира лергаюхе, Ӏожалла ца хиларна хьех ца кхийтира; шолгӀаниг еххачу хенахь къайлаваьлла лийлира толамхойх янкех.

Шен дешар, хин йолчу яздархочо долийра Вашингтонан семинарехь, ткъа 1918 шарахь дӀахӀоьттира сийлахь йолу зударийн Смитан колледж Массачусетс штатера.

1918 шарахь, испанин жӀаьлин уьнан пандемин заманахь, нана еллачул тӀаьхьа, бахаман урхалла шена тӀеэцархьама, иза цӀайирзира Атланте. Оцу шарахь Маргаретан дахарехь кхин а цхьа бохам хилира: Францехь кхелхира цуьнан тӀехьийза кӀант лейтенант Генри, хӀора шарахь иза веллачу дийнахь цуо зезагаш дохьуьйтура цуьнан нанна.

Журналистан балхахьНисйе

1922 шарахь Пегги цӀарца (цуьнан ишколан харц цӀе) Митчелл болх бан йолаелира «Атланта Джорнал» газетехь, хан мел йолу цунах коьрта репортёр хилира.

Оццу шарахь иза Беррьен Киннард Апшоуга маре яхара, амма масех бутт баьлчи уьш къаьстира. Хьалхара марех хууш дерг дара, Митчелл тапчанах ца къастара, шен хилла майра цхьанхьа Юккъера Малхбузехь велла караваллалц.

1925 шарахь иза маре яхара страховой агенте Марш Джоне. 1926 шарахь хьорка лазоро репортеран болх бан таро цалора. Митчелл дӀаелира газетера, оцу хенахь дуьйна дахар дӀадахара провинцин ледин санна, шех иштта ала а олура цуо, майрачуьнца яха хиира ша гӀарадаьккхинчу ГӀаммагӀан ураман гена йоццуш.

Роман тӀехь болх барНисйе

Майрачо къобалдарца, Маргарет роман тӀехь болх бан йолаелира, иза бахбелира итт шарахь. Эпизодаш язйора ларамаза, тӀаккха цхьаьтохара.

Атланте веина йоккхачу арахецараллин редакторан хиира чухоаме манускриптех лаьцна (эзар сов зорба тоьхна агӀо). Митчелл атта реза ца хилира жайна зорбане дахийта (хьалхара цӀе — «Кхана — кхин де»). ШолгӀачу шарахь Митчелла дукха болх бира текстна тӀехь, башха тидам тӀебахийтира историн меженашна а, терхьашна а. ЦӀе хийцаелира «Мохо баьхьнарш аьлла» («Non Sum Qualis eram Bonae Sub Regno Cynarae») Эрнеста Даусонан (Ernest Dowson) байтера могӀа[11]. Жайна арахийцира 1936 шеран июнехь, йоккхачу рекламин гӀоьнца, цигахь жигара роль ловзайора ша Митчелла.

1937 шарахь жайнин делира Пулитцеран совгӀат.

Авторо ша чӀогӀа болх бира роман йохкарехь, хӀиттайора бакъонаш, тидамехь латтайора кхечу меттанашкара арахецарш. Амма романан цӀе а, турпалхойн цӀераш а (Скарлетт, Ретт) рекламин Ӏалашонна лелор аьттехьа а ца дуьтура, интервью цалора, шех лаьцна фильм а ца йоккхуьйтура[5].

Ларамхоша дуккха а дехарш дичи а, Митчелл Маргарета кхин цхьан а жайна ца яздира.

 
Атлантера Оакленд кешнашкара Митчелл Маргаретан а, цуьнан майрачун а каш

Маргарет яларНисйе

1949 шеран 11 августехь суьйрана, Митчелл шен майрачуьнца «Кентерберин истори»кино йоьдуш, цунна тӀе машен туьйхира (цуьнан урхалча вара Грэвитт Хью, хьалха таксист болх бина волу, кхузара дуьйцу иза таксино йийна бохуш), кхин а 5 де даьлчи иза елира, сам ца йолуш. Грэвитт лецира мелла волуш машен лелорна, Митчелл ялале арахийцира 5450 доллар закъалтан диллина. Оццу шеран ноябрехь цунна кхел йира хуьттаренна доцуш стаг верна, 18 бутт набахтехь баккха хан а тухуш, амма чохь 11 бутт бен ца баьккхира. Иза велира 1994 шарахь 73 шо долуш.

Митчелл Марш Маргарет дӀайоьллина Джорджи штатера Атлантин Окленд кешнашкахь. Цуьнан майра, Марш Джон, велла 1952 шарахь, дӀавоьллина зудчун уллехь.

Хьажа ишттаНисйе

БилгалдахаршНисйе

  1. Margaret Mitchell | American novelist (en).
  2. 5 Honors Awarded on the Year's Books: ..., The New York Times (February 26, 1937), стр. 23.
  3. 1 2 Candler Allen D. Cyclopedia of Georgia. — Atlanta, Georgia: State Historical Association, 1906. — Vol. 2 of 3. — P. 602–605.
  4. 1 2 Southern Women at the Seven Sister Colleges: Feminist Values and Social Activism, 1875-1915. — 2008. — ISBN 9780820330952.
  5. 1 2 Палиевский П. Маргарет Митчелл и её книга. // Митчелл М. Унесённые ветром. Роман. Т. 1. — М., Художественная литература, 1982. С. 5.
  6. Hood's Texas Brigade: A Compendium. — Hillsboro, TX: Hill Jr. College Press. — P. 69. — ISBN 0912172223.
  7. Garrett Franklin M. Atlanta and Environs: a chronicle of its people and events. — Athens, Georgia: University of Georgia Press, 1969. — Vol. 1. — P. 819. — ISBN 0820302635.
  8. 1 2 Ruppersburg Hugh. The New Georgia Encyclopedia Companion to Georgia Literature. — Athens, Georgia: University of Georgia Press, 2007. — P. 326. — ISBN 9780820328768.
  9. Historical Jonesboro/Clayton County Inc. Jonesboro-Historical Jonesboro. Mount Pleasant, SC: Arcadia Publishing, 2007. p. 8. ISBN 0-7385-4355-1
  10. Reed Wallace Putnam. History of Atlanta, Georgia: with illustrations and biographical sketches of some of its prominent men and pioneers. — Syracuse, New York: D. Mason & Co, 1889. — P. 563.
  11. Поэзия.ру — Александр Скрябин — Эрнест Даусон. NON SUM QUALIS ERAM BONAE SUB REGNO CYNARAE Архивацийина 19 январехь 2013 шеран..

ЛитератураНисйе

  • Палиевский П. Маргарет Митчелл и её книга. // Митчелл М. Унесённые ветром. Роман. Т. 1. — М., Художественная литература, 1982. С. 3—15.
  • Бурин С. Н. Время в романе Маргарет Митчелл «Унесенные ветром» // Американский ежегодник за 1989 г. — М.: Наука. 1990. — С. 97—121.
  • Архангельская И. Б. Творчество М. Митчелл и «южная традиция» в литературе АЦШ (30-е гг. ХХ в) : Автореферат дис. … канд. филол. наук. — Н. Новгород: НГПИ, 1993. — 18 с.
  • Архангельская И. Б. Роман Маргарет Митчелл «Унесенные ветром»: история создания и специфика жанра(ТӀе цакхочу хьажорг) // Вестник Вятского государственного гуманитарного университета: «Филология и искусствоведение»: научный журнал. — Киров, 2012. — № 3(2). — С. 119—123.
  • Архангельская И. Б. Тема американского Юга в романе М. Митчелл // Вестник Нижегородского университета им. Н. И. Лобачевского. № 3. Н. Новгород: Изд-во ННГУ им. Н. И. Лобачевского, 2014. С. 267—274.

ХьажоргашНисйе