Фламинаш

Фламинаш (лат. flamines, цхьаллин терахь flamen) — Шира Румера цхьацца деланаш бу бохучера цӀуй.

Фламин цӀуйн куй (апекс) коьртахь. Бюст Луврера

Фламин дарж валлалц дара; фламинаш бекъалора кхаа лакхарчуна, — хоржуш хилла патрицех а, Юпитеран, Марсан, Квиринан культ лелочарах а, — кхин а шийтта лахарнаш, хоржуш хилла плебейн тайпанашкара а, гӀийлачу «деланашна» (Вулканан, Флоран, кхин а) гӀуллакх дечарна а йукъара.

Лору, кхаа лакхара фламинийн дарж кхоьллина Нума Помпилий волуш. Империн муьрехь волчу 15 фламинан тӀекхийтира «деланаш» бинчу императорийн фламинаш.

Шен дарже кхачале фламинаш хилла Юли Цезарь а, Нерон а.

Юпитеран фламинан дарж (flamen Dialis) гуонаха хӀиттийна шорта, чӀогӀа нисдина низам а, бехкамаш а бара. Масала, иза вуьжуш волчу маьнгин ког хаттаца бехбина хила безара, коьртахь хӀума йоцуш аравала, говрахь лела цамагара, дийначу божах, буьдачу жижигах, хутал-бецах, кхоьшах хьакхавала йишйацара цуьнан, кхин дӀа а.

Фламинийн башха куьй бара, апекс (лат. apex — бохь) олуш. И жима куй зайт-диттан чкъоьрах бора. Цунах вевзара фламин, хӀунда аьлчи Ширачу Румехь апекс лелон цӀуйн-фламинийн бен бакъо йацара.

Литература

• Фламины // Энциклопедический словарь Брокгауза и Ефрона: В 86 томах (82 т. и 4 доп.). — СПб., 1890—1907.
• Фламинаш (инг.). — в Smith's Dictionary of Greek and Roman Antiquities.

Хьажоргаш

• Список известных фламинов Юпитера Архивйина 2012-01-17 — Wayback Machine
• Список известных фламинов Марса Архивйина 2012-01-17 — Wayback Machine
• Список известных фламинов Квирина Архивйина 2012-01-17 — Wayback Machine
• Список известных фламинов императоров Архивйина 2012-01-17 — Wayback Machine