Акаев, Вахьид Хьумидан воӀ

Арахьара суьрташ
	Вахит Акаев

Акаев Вахьид Хьумидан воӀ
Акаев Вахьид Хьумидан воӀ
	Акаев Вахит Хумидович
Вина терахь	1952 шеран 5 февраль (72 шо)
Йина меттиг	Ленгер, Туркестанан область, Кхазакхийн Советийн Социалистийн Республика, ССРС;
Пачхьалкх	ССРС → Росси
ГӀуллакхан тайпа	Ӏилманча
Ӏилманан кхоче	Философи
Белхан меттиг	Нохчийн пачхьалкхан университет
Альма-матер	Нохчийн пачхьалкхан университет
Ӏилманан дарж	Ӏилманийн доктор
Ӏилманан цӀе	профессор,; Нохчийн Республикин Ӏилманийн академин академик
Ӏилманан куьйгалхо	В. С. Готт

Ака́ев Ва́хьид Хьуми́дан воӀ ((в)йина 1952 шеран 5 февраль, Ленгер, Туркестанан область) — советийн а, российн а философ. Философийн Ӏилманийн доктор, профессор, Нохчийн Республикин Ӏилманийн академин бакъволу декъахо, РӀА Ибрагимов Хь.И. цӀарах йолу Комплексан Ӏилманан-талламан институтан коьрта Ӏилманан белхало.

Биографи

Вина вайнах махкахбаьхначехь 1952 шеран 5 февралехьКхазакхийн ССР Ленгер гӀалахь. Къоман — нохчо. 1969 шарахь чекхйаьккхира Нохч-ГӀалгӀайн АССРн Советийн кӀоштара Шуьйтан ишкол. 1973 шарахь чекхйаьккхира Нохч-ГӀалгӀайн пачхьалкхан университетан физикин-математикин факультет «Математика» говзаллица. 1972 шарахь волавелла математикин хьехархо болх бан. 1975 шарахь хилла Хьал-Келин йуккъерачу ишколан директор.

Аспирантура чекхйаьккхира В. И. Ленинан цӀарахчу Москохан пачхьалкхан хьехархойн институтан философин кафедрехь. 1981 шарахь чекхдаьккхира философин кандидатан диссертаци тема «Бакъдолчух башха, марталлица, дийнна кхетар». 1991 шеран 17 июнехь хилира Нохч-ГӀалгӀайн историн, философин, социологин Ӏилманан-талламан институтан директор. 1992 шарахь хилира Нохчийн Республикин Ӏилманан академин корреспондент-декъахо. Ростовн пачхьалкхан университетехь чекхдаьккхира докторан диссертации, тема «Суфизм Ӏаьрбийн-бусалбанийн философин контекстехь». 2001 шарахь хилира профессор а, Нохчийн пачхьалкхан университетан социалан белхан теорин а, практикин а кафедран куьйгалхо. Зорба тоьхна 170 сов белхан, царна йукъахь монографеш, брошюраш, публицистика. Нохчийн Республикин Йукъараллин палатин декъахо ву.

Ши доьзалхо ву.