Густилина, Диана Владимировна
Диа́на Влади́мировна Густи́лина (йина 1974 шеран 21 апрелехь, Владивостокехь) — российн баскетболхо, Российн шозза чемпион (БК УГМК йукъахь), Европин чемпион, дуьненан чемпионатан детин совгӀатхо, Олимпийн ловзарийн борзанан совгӀатхо. Российн спортан хьакъ долу говзанча. СовгӀат дина «Даймехкана гӀуллакх дарна» орденан II тегӀанера мидалца[1] а, Москохан областан Губернаторан хьаьркаца 2007 шарахь.
| Диана Густилина | ||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| оьрс. Густилина, Диана Владимировна | ||||||||||||||||||||||||||||||||||||||||||||||
| ловзархочун карьера чекхйаьккхина | ||||||||||||||||||||||||||||||||||||||||||||||
| Позици | Форвард | |||||||||||||||||||||||||||||||||||||||||||||
| Локхалла | 180 см | |||||||||||||||||||||||||||||||||||||||||||||
| Йозалла | 72 кг | |||||||||||||||||||||||||||||||||||||||||||||
| Гражданалла |
 Росси |
|||||||||||||||||||||||||||||||||||||||||||||
| Йина терахь | 1974 шеран 21 апрель (50 шо) | |||||||||||||||||||||||||||||||||||||||||||||
| Йина меттиг | Владивосток, ССРС | |||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||
Биографи
бӀаьра нисйанДианин да, Густилин Владимир Никитович — физик, университетан хьехархо, нана, Людмила Николаевна, болх беш йара кхиана бовланза болчеран инспекцехь, милицин майор кхаччалц гӀуллакхехь йара, кӀоштан партин кхолламан куьйгаллехь йара (цӀеххьана йелира 1991 шеран февралехь)[2].
Баскетболех ловза Ӏама йолайелира ишколехь а йолуш. Хьалхара тренер — А. Зверева.
Йуккъера лоьмар 23 йолу ишкол чекхйаьккхинчул тӀаьхьа дийшира Генарамалхбален советийн махлелоран институтехь, спортан «Юность» гӀалахь баскетболех а ловзуш. Цул тӀаьхьа кхелхира Красноярске, цигахь баскетболех кхин дӀалевзира красноярскан «Шелен» йукъахь. 1996 шарахь чекхйаьккхира Красноярскан коммерцин институтан махлелоран предприятийн а, йукъараллин дааран меттиган а экономикин, урхаллин факультет. 1998 шарахь дехьайелира екатеринбурган «Уралмаш» йукъа (тӀаьхьа цӀе хийцира УГМК аьлла), цунна йукъахь бехира уггаре баккхий кхиамаш клубан баскетболехь: хилира Российн чемпион а, Евролигин толамхо а.
2000 шарахь дебют хилира Российн гулйина командехь Европин чемпионатан харжаман матчашкахь[3]. 2002 шарахь Цийчуьра дуьненан чемпионатехь гулйина командехь детин мидалш йехира. Кхин а шо даьлча хилира Европин чемпион, ткъа 2004 шарахь левзира Олимпийн ловзаршкахь Афинехь.
Ловзархочун карьера чекхйаьккхинчул тӀаьхьа къахьоьгу БК «Спарта&К» системехь, хӀинца олимпийн баскетболан «Спартакан» (Видни гӀ., Москохан область) резерван доьшийлин директоран даржехь ю[4].
Кхиамаш
бӀаьра нисйан- Олимпийн ловзарийн борзанан совгӀатхо (2004).
- Дуьненан чемпионатан детин совгӀатхо (2002).
- Европин чемпион (2003).
- Евролигин чемпион (2003).
- ФИБА дуьненан кедан борзанан совгӀатхо (2003).
- Российн шозза чемпион (2002, 2003).
- Российн деазза вице-чемпион (1999, 2000, 2001, 2004).
- Российн чемпионатан борзанан совгӀатхо (2005).
- Российн кад баьккхинарг (2005).
- Дерригдуьненан аьхкенан Универсиадин борзанан совгӀатхо (1999).
- «Российн спортан дуьненайукъара классан говзанча» цӀе, йелла 2002 шарахь.
- «Российн спортан хьакъ долу говзанча» цӀе, йелла 2003 шарахь.
Билгалдахарш
бӀаьра нисйан- ↑ Указ Президента Российской Федерации от 18 февраля 2006 года
- ↑ Диана Густилина: дылда, стоп-кран и почти топ-менеджер. «Спорт-Аншлаг». Архивйина 2013 шеран 1 майхь
- ↑ 2001 European Championship for Women: Semi-Final Round (инг.). FIBA.com. Архивйина 2013 шеран 1 майхь Архивйина 2012-09-01 — Wayback Machine
- ↑ Густилина Диана Владимировна. УОР по баскетболу «Спартак». Архивйина 2013 шеран 1 майхь (ТӀе цакхочу хьажорг)
Хьажоргаш
бӀаьра нисйан- Густилина Диана Владимировна. Спорт на Урале. Архивйина 2013 шеран 1 майхь Архивйина 2016-03-05 — Wayback Machine
- Баскетболистка из Владивостока - на Олимпиаде в Афинах