Маршонан Майда (Киев)

Маршонан Майда (йу) — (укр. Майдан Незалежності) — Украинин коьртачу шахьаран — Киеван йукъара майда.

Маршонан Майда
укр. Майдан Незалежності
Киев
50°27′01″ къ. ш. 30°31′26″ м. д.
Йукъара хаам
Пачхьалкх	Кеп:Байракх/Q212
КӀошт	Шевченковскан
Хьалхара цӀерш	1869—1876 — Хрещатикан майда, 1876—1919 — Думин майда, 1919—1935 — Советан майда, 1935—1941 — Калининан майда, 1941—1943 — 19-чу сентябран майда, 1943—1977 — Калининан майда, 1977—1991 — Октябран революцин майда
ЦӀе тиллина цӀарах	Украинин маршо кхайкхайар 1991 шо
Уллера станцеш метро	Крещатик   Майдан Незалежности
картанаш тӀехь	Яндекс Google
Викиларми чохь медиафайлаш

Истори

Майдан 1850 шо

X-гӀа бӀешо кхаччалц, Майда лаьттачу меттехь уьшал хилла, шех Перевесище, йа Гезарийн уьшал олуш. Хьекъале Ярослав волу заман чохь, Киеван гӀап шорйеш, цу меттиган тӀоьхулу гӀопан саьнгарш йаьхна. 1240-чу шарахь, кху меттехь гӀопан пен а бохийна, монголаш Киев йаьккхира. XVII-XVIII-чу бӀешаршкахь эрна аре хилла цу меттехь. XIX-чу бӀешарехь дуьйна, жим-жима гонах гӀишлош йеш, базар а хоьттина, гонах урамаш а дина, Хрещатикан майда аьлла цӀе а тиллина, шорлуш йолу Киеван йукъайахара и. Цул тӀаьхьа массийта цӀе хийцира майдано. ТӀеххьаре цуьнан цӀе хийцира Украинас шен паччалкхан маршо кхайкхича.

Ӏедалан дуьхьало йарехь

Євромайдан-24.02,2014-2397

Киеван Маршонан майда Украинин политикин исторехь коьртачех меттиг йу. И бахьанехь «майдан» боху дош дукха меттнашкахь укъара дош хилла лелаш ду: Ӏедалан дуьхьало йарий а, политикин резабоцурш гӀовтаррий а, маьӀна долуш.

1990-чу шарахь «Мокхаз тӀехь Революци» (укр. Революція на граніті) аьлла цӀе йахана студентийн йоккха митинг литтира.

2000—2001 шерийн Ӏаьна Украинин президент Кучман духьала йолу митинг литтира

2003—2004 шершкахь ЦӀен-можа Революци (укр. Помаранчева революція) хилира. Цу революцех даьлларг — харжамаш нийса ца бара Ӏедало тӀелацар, керла харжамаш бар, Янукович эшавар, ткъа Ющенко толар ду.

2013 шеран ноябрехь йолайелла Евромайдан. И йолайаран бахьан дара, Украинин президент волу Янукович Владимирс Евросоюзца йолу ассоциаци саца а йина, Российгхьа верзар. Дукха зуламаш делира цигахь Ӏедалер а, резабоцучаьргара а. Белларш, а лазийнарш а, бара бӀенашкахь. Ткъа тӀехьлонаш кхи а чолхе хиллера Ӏедална а, маьршачу бахархошна а. Масала: Янукович Украинер вада вийзира, Российс референдум а йина Крым схьайерзира, Луганскехь а, Донецкехь а, тӀом белира, иштта кхи дӀа а.

Суьрташ

• 
  Хрещати базар, XIX б1ешаран чаккхе
• 
  XX б1ешо долалуш хилла сурт
• 
  1941 шарахь хилла сурт
• 
  Калинина Майда - 1962 ш.
• 
  Маршонан Майда - таханлера сурт
• 
  Маршонан Х1оллам

Хьажоргаш

• Маршонан Майда «Майдан Незалежности» в «Веб-энциклопедии Киева». Архивйина 2021-05-13 — Wayback Machine(укр.)
• Киевера Маршонан Майда. 3D-панорама