Российн Федерацин тӀемалойн чот

Российн Федерацин — Российн тӀемалойн чот — Российн Федерацин гражданийн тӀеман декхараллин коьрта дакъа, цуо латтайо адамийн ресурсийнкхайкхаран а, мобилизацин регистрацин пачхьалкхан система, цунна юкъахь йо мероприятийн комплекс гулъеш, цхьаьна тухуш, хаамийн дукхаллин а, дикаллин а бараман анализ еш.

№ 6307 Василий Сергеевич Веселайн Ополченхочун билетан 14 а, 15 а агӀонаш, тӀемлойн чоте хӀоттийна билгало Кронштадт а, Петарбух гӀаланашкахь, Мариуполан уезда 2-гӀа станехь (станци Волноваха), 1901 шеран кеп.

Истори

ТӀемлойн чот Россехь хилла цуьнан кхиаран массо а муьрашкахь, амма хилла тайп-тайпана кепаш а, башхаллаш а.

ТӀеман чоьте хӀитто беза гражданаш

ТӀеман комиссариаташкахь, меттигера шеш шайн урхаллин меженашкахь, кхолламашкахь тӀеман чоьте хӀиттабо:
а) массо а 18 - 27 шо кхаьчна боьрша, тӀеман чоьтехь латта декхарийлахь болу, запасехь (кхайкхархой) боцу, гражданаш;
б) запасехь болу гражданаш (тӀеман декхархой):

• запасехь болу боьршанарш;
• Российн Федерацин ТӀеман Ницкъашка запасе хӀиттош, тӀеман гӀуллакхера мукъа баьхнарш;
• пачхьалкхан, муниципалан я оьш-оьшу агӀонашца говзаллин пачхьалкхан аккредитаци йолу, пачхьалкхан йоцу дешаран меттигашкахь лакхарчу говзаллин дешаран тӀеман кафедрашкахь запасан эпсаран кечаман программица дешар аьттонца чекхдаьккхинарш а, и йийцина дешаран меттигашкар дешар чекхдаьккхинарш;
• тӀеман гӀуллакхе кхайкхарах мукъа баьхна тӀеман гӀуллакхехь ца хилларш;
• тӀеман гӀуллакхех цхьаьна ханна дӀатоьттуш я цхьацца бахьнашца тӀеман гӀуллакхе ца кхойкхуш, 27 шо а кхаьчна бисина, тӀеман гӀуллакхехь ца хилларш;
• тӀеман чоьте а ца хӀиттош тӀеман гӀуллакхера мукъа баьхнарш, ткъа тӀаьхьа тӀеман комиссариаташкахь тӀеман чоьте хӀиттийнарш;
• альтернативан гражданийн гӀуллакх чекхдаьккхинарш;
• тӀеман-чоьтан говзалла йолу зударий.