Коьрта меню схьаелла

Умаров, Мовлди Абдул-Вахабович

Мовлди́ Абдул-Ваха́бович Ума́ров (1921 шеран 29 январь, Жима АтагӀа, Нохчийн халкъан округ, Ламанхойн АССР, РСФСР, СССР — 1943 шеран 11 февраль, Скучарево, Смоленскан область, РСФСР, СССР) — Сийлахь-Боккха Даймехкан тӀеман декъашхо, лакхара лейтенант, гӀашлойн ротан командир (7-гӀа гвардин гӀашлойн корпус, Малхбузера фронт), Российн турпалхо.

Умаров Мовлди Абдул-Вахабович
Умаров, Мовлди Абдул-Вахабович.jpg
Вина терахь 1921 шеран 29 январь({{padleft:1921|4|0}}-{{padleft:1|2|0}}-{{padleft:29|2|0}})
Вина меттиг Жима АтагӀа, Нохчийн халкъан округ, Ламанхойн АССР, РСФСР, СССР
Кхелхина терахь 1943 шеран 11 февраль({{padleft:1943|4|0}}-{{padleft:2|2|0}}-{{padleft:11|2|0}}) (22 шо)
Пачхьалкх ССРС СССР
Эскаран тайпа пехота
Куьйгалхо рота
СовгӀаташ

БиографиНисъе

Мовлди Умаров винера 1921 шеран 29 январехь Жима АтагӀахь (Нохчийн Республикан Шелан кӀошт) ахархон доьзалехь. Цо чекхъяккхира юртара школа а, Соьлжа-ГӀалахь «ЦӀен варзб» заводехь йолу ФЗУ школа а, Серноводски хьехархойн техникум а (1939 шо). Техникум чекхъяккхинчултӀехь иза оцу техникуман хьехархо хилира.

1939 шарахь иза арме дӀакхайкхира. Иза Архангельске гӀашлойн полке дӀавигира. Цо дакъа лецира советско-фински тӀамехь 1939—1940 шерашкахь. ТӀом чекхбелча цунна лиира эпсар хила. Цундела иза Ленинградан гӀашлойн а, куьйгаллин а училище дӀахьажира.

Сийлахь-Боккха Даймехкан тӀом болабелча дуьна иза фронтехь вара. Иза вара ротан командиран политически белхан когаметтаниг. Кеста цунна лакхара лейтенантан цӀе а елира, куьйгалла дан рота а елира. Иза вара Смоленскан уллехь тӀом беш. 1943 шеран 13 январехь цунна ЦӀен Байракхан орден елира.

1943 шеран 11 февралехь Умарован рота яра Скучарево юртан уллехь шайн меттиг ларъяш. ЧӀогӀа яккхи тоьпаш йиттинчултӀехь мостагӀаш тӀелетира. Умаровас немцойн улле тӀебахкита элира салташка. Цуьнан омарца салти немцойн тӀе герз детта болабелира. Хьалха богӀуш болу мостагӀи массо а хӀаллак бинера. Амма тӀаьхьа богӀучера окопаш чулелха ларийра. Мовлди, шен йина шиъ чов йолушехь, куьг лазина долушехь, салташ шена тӀаьхьахӀоттина тӀелетира немцошна. 100 сов мостагӀ хӀаллаквира оцу динахь, амма Мовлди ша а велира.

1943 шеран 18 февралехь иза Советски Союзан турпал цӀе яларна дӀавелира. Амма и цӀе цунна 53 шо даьлчи бен ца елира. 1996 шеран 16 маехь цунна елира Российн турпалан цӀе веллачултӀехь.

Иза дӀавоьллина Смоленскан областан Глинковски районан Матрёнино юртехь.

ВиццаварНисъе

Цуьнан юртахь цуьна цӀе тиллина цхьана ураман.

ХьажоргашНисъе