Ионийн республика (желт. Ηνωμένον Κράτος των Ιονίων Νήσων; итал. Stati Uniti delle Isole Ionie) — 1815 - 1864 шерашкахь хилла йолу историн пачхьалкх. Йоккха Британин протекторат хилла. Желтойн пачхьалкх кхоьллинчул тӀаьхьа Йоккха Британис совгӀатан елла грекийн паччахьна I-чу Георгана.

Историн пачхьалкх
Ионийн республика
Байракх ХӀост
Байракх ХӀост
Ionian Islands.svg
Flag of France.svg 
1815 — 1864

Коьрта гӀала Корфу
Мотт (меттанаш) желтойн, италин
Официалан мотт Желтойн мотт, Итальянийн мотт
Ахча газета иониана[d], Ионийский обол[d]
Майда
  • 2659 квадратан километр
Бахархой
  • 236 000 стаг (1864)
Урхаллин тайпа республика
Commons-logo.svg Медиафайлаш Викилармехь

Ионийн гӀайренаш бӀешерийн дохаллехь Венецин республикин юкъахь хилла, амма 1797 шарахь Кампо-Формийн машарца дехьаяьхна революцин Францин. 1798—1799 шерашкахь оьрсийн-туркойн ницкъаша французаш гӀайрен тӀиера аракхийсина, кхоьллира цигахь ВорхӀ гӀайренан республика, иза лаьттира 1800 - 1807 шерашкахь. Цул тӀаьхьа Францис юха а дӀалецира Ионин гӀайренаш, уьш юкъатуьйхира Иллирийн провинцешна.

1809 шеран 2 октябрехь Закинфан уллохь ингалсаша йохийра французийн флот, дӀалецира гӀайренаш Закинф, Кефалини, Китира. 1810 шарахь ингалсаша дӀалецира Лефкас. Корфу йисира французийн урхаллехь 1814 шо кхаччалц.

Венин конгрессо санкци елира Йоккха Британин «доттагӀаллин протекторатан» уьш дӀадала. Йоккха Британис хӀоттош яра цигахь тӀеман администраци, ткъа Австрийн империс гӀайренашна гаранти лора Йоккха Британица цхьабосса коммерцийн статус яла. 1817 шеран 26 августехь чӀагӀйира «Мэйтлэндан конституци», цуьнца кхуллура ворхӀ гӀайренан федераци, ткъа сэр Томас Мэйтлэнд хуьлура цуьнан хьалхара Лакхара комиссар.

1864 шеран 29 мартехь Йоккха Британис, Желтойчоьс, Францис, Российс Лондонехь куьг яздина, ратификаци хиллачул тӀаьхьа гӀайренаш Желтойчоьнан долайовлу аьлла. 28 майхь Лакхарчу комиссаро арадаьккхина прокламаци Ионин республика Грекийн паччахьаллах дӀатухуш.