Коьрта меню схьаелла

Иле́с Вахи́дович Тата́ев (1938 шеран 1 май, Йоккха АтагӀа, Нохч-ГӀалгӀайн АССР, РСФСР, СССР) — нохчийн кинорежиссёр а, сценарист а, нохчийн кинематографин бухбиллинарг, скульптор, СССР кинематографистийн Союзан декъашхо, Российн художникийн декъашхо, Нохч-ГӀалгӀайн АССР исбаьхьаллин Сийлахь гӀуллакххо, РСФСР исбаьхьаллин Сийлахь гӀуллакххо (1982 шо), Российн Федерацин Сийлахь художник (2008 шо).

Илес Татаев
Татаев Илес.jpg
ГӀуллакхан тайпа кинорежиссёр, сценарист, скульптор
Вина терахь 1938 шеран 1 май({{padleft:1938|4|0}}-{{padleft:5|2|0}}-{{padleft:1|2|0}}) (81 шо)
Вина меттиг Йоккха АтагӀа, Нохч-ГӀалгӀайн АССР, РСФСР, СССР
Гражданалла ССРСFlag of the Soviet Union.svg ССРСРоссиFlag of Russia.svg Росси
СовгӀаташ
Сайт http://www.iles-tataev.com/
Images.png Арахьара суьрташ
Image-silk.png Илес Татаев

БиографиНисъе

Илес Татаев винера 1938 шеран 1 майхь Нохч-ГӀалгӀайн АССР Йоккхачу АтагӀахь. 1944 шарахь шен доьзаллаца цӀера веккхира иза. 1958 шарахь школа чекхъяккхинчул тӀехь иза Нохчийн пачхьалкхан университетан филологин факультете деша вахара.

1964 шарахь университет чекхъяккхичул тӀехь иза режиссёран болх бан волавелира Соьлжа-ГӀалин телевиденехь. 1968 шарахь цо чекхъяккхира Москвахь йолу сценаристийн а, режиссёрийн а лакхара курсаш. Цо яккхина 30 сов эшеран а, фольклоран а, исбаьхьаллин а, документальни а фильм. 1982 шеран 30 октябрехь цунна елира «РСФСР исбаьхьаллин Сийлахь гӀуллакххо» цӀе.

1995 шарахь цо дакъа лецира Нохч-ГӀалгӀайн киностуди кхуллуш а, цул тӀехьа оцу студин директор а, режиссёр а хилира. 1996 шарахь цӀахь чоьлхе хьал хилар бахьнехь иза Москва дӀавахара.

Кинохь беш болу белхаца цхьана иза ву дечигах скульптураш яш. Цуьнан гайта хӀоттамаш хилира дукха Российн гӀаланашкахь. Цьунан скульптураш ю дукха пачхьалкхийн а, долахь йолу а гулдарашкахь АЦШ а, Европехь а, Гергара Малхбалехь а. 2005 шарахь цуьнан гайта хӀоттам хилира Пачхьалкхан Третьяковски галереехь. 2008 шарахь Татаеван елира «Российн Федерацин Халкъан художник» цӀе.

Соьлжа-Г1алахь а, Москвахь а болх беш ю Татаеван галерейш.

ФильмографиНисъе

Исбаьхьалла фильмаш
  • «Горская новелла» (1979 шо);
  • «Когда отзовется эхо» (1988 шо);
Эшеран фильмаш
  • «Даймохк» (Земля отцов);
  • «Илли»;
  • «Эхо в горах»;
  • «Вайнах»;
  • «Голос гор».
Документальни фильмаш
  • «Танец — жизнь моя»;
  • «Память древних бойниц»;
  • «Долгожители»;
  • «В стране башен».

ХьажоргашНисъе