Хьасан ибн Ӏалий
Абу Мухьаммад аль-Хьасан ибн Ӏали́й ибн Абу ТӀа́либ аль-ХӀа́шими аль-Къураши́й (Ӏаьр. أَبُو مُحَمَّدٍ ٱلْحَسَنُ بْنُ عَلِيِّ بْنِ أَبِي طَالِبٍ ٱلْهَاشِمِيُّ ٱلْقُرَشِيُّ; 625 шеран 1 март, Мадийнат, Хьижаз[1] — 669[2][3][…], Мадийнат, Хьижаз, Умавийн халифат) — иза Мухьаммад пайхамаран ﷺ йоӀан кӀант а, сахьаби а, суннатхошна гергахь Рашидун халифех пхоьалгӀаниг а, шиӀашна гергахь шолгӀа имам а ву. Цунна харц цӀе тиллина Мухьаммад пайхамаро ﷺ «Йалсаманин бахархойн кегийрхойн эла» аьлла, цо аьлла: «Хьасан а, Хьусайн а — йалсаманин бахархойн кегийрхойн ши эла ву». Кхолларан дайх воьалгӀаниг ву иза.
| Хьасан ибн Ӏалий | |
|---|---|
| Ӏаьр. الحسن بن علي | |
 | |
| Абу Мухьаммад, сибтӀу расулиллахӀи вахьафидухӀу варайхьанатухӀ, саййиду шабаби ахӀлил-жаннат | |
| Говзалла | пачхьалкхан гӀуллакххо, баьчча, халиф |
| Вина терахь | 625 шеран 4 март |
| Вина меттиг | Мадинат, Хьижаз |
| Кхелхина терахь | 670 шеран 9 март (45 шо) |
| Кхелхина меттиг | Мадинат, Хьижаз, Умавийн халифат |
| ДӀавоьллина меттиг | Аль-БакъийӀ |
| Пачхьалкх | |
| Да | Ӏалий ибн Абу ТӀалиб |
| Нана | ФатӀимат аз-ЗахӀраъ |
| Зуда | Умм Исхьакъ бинт ТӀалхьат, Хавлат бинт Манзур, ЖаӀдат бинт аль-АшӀас |
| Динлелор | ислам |
| ТӀеман гӀуллакх | |
| ТӀемаш | |
Иза дуьнен чу ваьлла хӀижрин 3-чу шеран рамазан баттахь. Иза Мухьаммад пайхамарна ﷺ чӀогӀа дукхавезаш хилла, цо олура: «Везан Дела, суна дукхавеза-кх иза, Хьайна а везийта иза»[4]. Ламазан хенашкахь шеца маьждиге а вуьгура цо иза, тӀаккха нахаца ламаз а дора цо, пайхамар сужде вахча цуьнан букъ тӀе хаара иза, цо шен коьшкала хаа а вора иза, барт а боккхура, хьаста а хьостура, шен голашна тӀе а хаавой цунна рукъят а доьшура, цунна хьанал дерг а, хьарам дерг а Ӏамадаре терра. Цуьнан деда Мухьаммад пайхамар ﷺ дӀакхелхира 632-чу шарахь, иштта цуьнан нана ФатӀимат а цхьана шарчохь. Хьасана жихӀад деш дакъалаьцна Ӏусман халифан заманахь. Цо дакъалаьцна Африка йаккхарехь а, ТӀабаристан а, Горган а йаккхарехь а, Эмкалан тӀамехь а, Сиффийн тӀамехь а.
Хьосташ
бӀаьра нисйан- ↑ Encyclopædia Britannica (инг.): a dictionary of arts, sciences, literature and general information / H. Chisholm — 11 — New York, Cambridge, England: University Press, 1911.
- ↑ Али-заде А. Хасан ибн Али // Исламский энциклопедический словарь — М.: Ансар, 2007.
- ↑ Hassan // (unspecified title)
- ↑ صحيح البخاري، كتاب اللباس، باب السخاب للصبيان، حديث رقم 5545