Чеченски, Александр Николаевич

Алекса́ндр Никола́евич Чече́нски (1780 шо, Алда (БухӀан-Йурт) — 1834 шо) — Российн кавалерин генерал-майор, нохчий.

Александр Николаевич Чеченски
Бакъ цӀе	Али
ГӀуллакхан тайпа	офицер
Вина терахь	31 декабрь 1780
Вина меттиг	БухӀан-Йурт Алда (БухӀан-Йурт), Нохчийчоь
Кхелхина терахь	15 май 1834 (53 хан)
Кхелхина меттиг	Дрезден
Корматалла	тӀемло
Гражданалла	Российн импери
Да	Алхазур
Нана	Рахимат
Зуда	Екатерина Бычкова
Бераш	Софья Александра Николай Вера Надежда Екатерина
СовгӀаташ	Орден Святого Георгия 4 степени Орден Святого Владимира 4 степени Орден Святой Анны 2 степени с алмазами Золотое оружие «За храбрость»
Александр Николаевич Чеченски Викилармехь

Бералла а, жималла а

Винчу хенахь цунна Ӏела аьлла цӀе тиллинера. Бераллехь иза схьалецнера паччахьан эскаро цуьнан йурт хӀаллакйеш хенахь. Цуьнан да веллера шен йурт ларйеш. Цуьнан нана йелира иза веш хенахь. Иза кхиава хьаийцира цу хенахь подпоручик, 16 шо кхаьчна волу Николай Николаевич Раевски. КӀантан цӀе тиллира Александр Николаевич Чеченски. Иза кхиинера Николай Раевский нана йолчахь Каменкехь (Украина). Александрс чекхйаьккхира Москван университет.

ТӀеман гӀуллакх доладар

Александр Чеченскин тӀеман гӀуллакх долийра 1794 шарахь вахмистран даржехь ГӀизларехь Нижегородски 17-гӀа драгунски полкехь. Оцу полкан хьаьким вара цуьнан доладийриг. Цо дакъа лецира Каспийн уллехь гӀажарийн дуьхьал бинчу тӀамехь а, Ӏаьржа хӀордан уллехь туркойн дуьхьал бинчу тӀамехь а.

24 шо кхаьчча Александр подпоручик хилира. 1805 шарахь иза дӀехьавеккхир Гродненски гусарийн полке. Цигахь цо полуэскадронан куьйгало дора. 1805—1807 шерашкахь цо дакъа лецир Наполеонан эскаран дуьхьал беш болу тӀамтӀехь Мышеницы уллехь а, Гутштадтан уллехь а, Аккендорфан уллехь а, мостагӀ Посаржа хин дехьа лоллуш а. Гутштадтехь бинчу тӀамехь цо гайтина майраллина цунна делира Дашо герз. Прейсиш-Эйлау уллехь бинчу тӀаман цунна йелира IV даржан Сийлахь Владимиран орден.

Литература

• Умар Гайсултанов. Александр Чеченский. Грозный, Чечено-Ингушское книжное издательство, 1981.
• Черейский Л. А. А. Пушкин и его окружение. Л., 1988 г., С. 488.