Жимачу Альбикин берийн дийцарш
«Жимачу Альбикин берийн дийцарш» — иза Нохчийн Республикехь берашна лерина дуьххьарлера сериальни киншкин издани йу. Цуьнан йукъара тираж 10 000 сов йу. Киншкийн автор йу берийн йаздархо йолу а, Нохчийн Республикин «Бералла» цӀе йолчу берийн довзийтаран журналан коьрта редактор йолу а, Россин Федерацин, Нохчийн Республикин хакъйолу культурин белхахо йолу а, Россин йаздархойн союзан декъашхо йолу а, «Кхиаво йешархо» цӀе йолчу бераш йешарна марзбечу серлонан а, искусствон а, культурин а гӀуллакххойн Россин ассоциацин декъашхо а йолу Сайдумов Мадин йоӀ Зулай[1][2][3].
| Жимачу Альбикин берийн дийцарш | |
|---|---|
 «ЧӀобиг» | |
| Автор | Сайдумов Мадин йоӀ Зулай |
| Йазйина мотт | нохчийн, оьрсийн |
| Дуьххьара зорба тоьхна | 2021 |
«Жимачу Альбикин берийн дийцарш» цӀе йолчу сери итт дийцарх лаьтта. ХӀора дийцар шена къастийнчу киншкаца арахецна а йу
- «ЧӀобиг» — ISBN 978-5-6046768-0-6, тираж 1 000 экземпляр.
- «Майра Муркензи» -ISBN 978-5-6046768-1-3, тираж 1 000 экземпляр.
- «Догмайра Къурдалг» -ISBN 978-5-6046768-2-0, тираж 1 000 экземпляр.
- «Дика диканца йухадоьрзу» — ISBN 978-5-6046768-6-8, тираж 1 000 экземпляр.
- «Альбика лома йоьду» — ISBN 978-5-6046768-9-9, тираж 1000 экземпляр.
- «Альбикин дика лимонад» — ISBN 978-5-6046768-7-5, тираж 1000 экземпляр.
- «Баьццара парус» — ISBN 978-5-6046768-8-2, тираж 1 000 экземпляр.
- «УьнтӀепхьид Жора» — ISBN 978-5-6046768-4-4, тираж 1 000 экземпляр.
- «Лаьмнашкахь седарчий маре эхар» — ISBN 978-5-6046768-3-7, тираж 1 000 экземпляр.
- «Альбикас ловзарш гойту» — ISBN 978-5-604678-9-9, тираж 1 000 экземпляр.
Серин коьрта турпалхо Альбика цӀе йолу нохчийн йоӀ йу. Жима Альбика — иза хӀинца дика девза хазачу, аьрхачу, чӀогӀа хьекъалечу, дикачу нохчийн жимачу йоьӀан беран васт ду. Изданин агӀонаш тӀехь къона йешархой Альбикица, цуьнан доттагӀашца цхьаьна, гуттар дикано вуо эшочу, шатайпана башхачу дуьнен чу ловза оьху[1].
Жимачу Альбикас а, цуьнан доттагӀаша а дика гӀуллакхаш до, дийнаташна дола до, Ӏалам Ӏалашдо, лардо. Жимачу Альбикин васт атта дагахь лаьтташ ду, цуьнгахь шортта бакъхьара амалан билгалонаш къаьста: дикалла, гӀиллакхалла, эсалалла, хӀуманан терго йеш хилар. Россин а, Белорусин а берийн библиотекаш чу кхечира Альбикех лаьцна дийцарийн киншкаш. Нохчийн Республикин массо а маьӀӀехь бераша чӀогӀа хазахетарца доьшу жимачу Альбикин дийцарш[1].
Дийцаршкара шолгӀачу тӀегӀанера турпалхой бу: Санет, Эниста, Зараъ, Белита, Коьра, Хьасипат, Хьалимат, Шари-Бари, ТулгӀа иштта кхиберш а. Серин кхийолу персонажаш хӀорш йу: Ӏахар ЧӀобиг, цициг Муркензи, котам Къурдалг, котам кӀорни Ӏаьржалг, уьнтӀепхьид Жора ишшта кхийерш а. 2021 шеран керла хилам а, Нохчийн Республикерчу берашна боккха литературин кхаъ а хилла дӀахӀоьттира хаза серильни издани. Цхьана киншки тӀехь шина маттахь ду дийцар далийна: цкъа оьрсийн маттахь, тӀаккха изза дийцар нохчийн маттахь а. Цо атта до нохчийн маттахь йешар даржо а, марздан а. Дийцарийн коьрта турпалхо Альбика цӀе йолу жима йоӀ йу, цуьнан доттагӀий а бу. Уьш Нохчийчоьнахула лела беркате гӀуллакхаш а деш, цара диканаш до, вуочунна дуьхьало а латта йо[1].
Иллюстратор-суртдиллархо Чамаев Сай-Эминан йоӀ Эсет. Нохчийн матте гочдархо: Абдулкадыров Турпал-Ӏелин Адам. Корректор Хаисев Вахин йоӀ Амнат.
«Бералла» цӀе йолчу журналан издательство, 2021 ш. Киншкех лаьцна хаамаш лаьтта Россин пачхьалкхан библиотекан ресурсехь. «Жимачу Альбикин берийн дийцарш» дӀадовзийтира «Все начинается с детства» цӀе йолчу йерригроссин киншкийн фестивлехь (Красноярск, 2021 ш.). Нохчийн Республикехь цунах шуьйра пайдаоьцу школазхойн а, ишколийн а учрежденешкахь. Киншкашна йоккха терго йира библиотечни йукъарлоша а. Карарчу серин киншкийн хьокъехь видео а йаьккхира, дӀа а гайтира Островскийн цӀарахчу Центральни берийн библиотеко (Минск гӀ., Беларусан Республика) а, Ю. А. Гагаринан цӀарахчу библиотеко а ("Космическая библиотека, Москох гӀ., Россин Федераци).
Билгалдахарш
бӀаьра нисйан- ↑ 1 2 3 4 ЧЕЧНЯ. Детские книжки из Чеченской Республики будут презентованы на Всероссийской детском книжном фестивале. checheninfo (2021 шеран 14 сентябрь).
- ↑ ЧЕЧНЯ. Беспрецедентным для детской литературы ЧР тиражом 10 000 книг увидела свет книга для детей «Детские истории маленькой Альбики». checheninfo (2021 шеран 13 декабрь).
- ↑ Московская презентация «Детских историй маленькой Альбики». Таиса Амаева. «Вести республики» №42 (3435) (2022 шеран 4 июнь).
Хьажоргаш
бӀаьра нисйан- Хьовса: Россин пачхьалкхан библиотекин сайт
- ЧЕЧНЯ. Беспрецедентным для детской литературы ЧР тиражом 10 000 книг увидела свет книга для детей «Детские истории маленькой Альбики». checheninfo (2021 шеран 13 декабрь).