Коьрта меню схьаелла

Ибраги́м Беркма́нович Сама́дов (1968 шеран 18 июль, Мамакхин-КӀотар, Нохчийн Республика, СССР) — нохчийн штангист, СССР чемпион (1991), Европан чемпион (1992), дуьненан чемпион (1991) юккъерачу йозаллин категорехь, СССР Сийлахь спортан говзанча (1991).

Weightlifting pictogram.svg Ибрагим Самадов
Гражданалла

ССРС СССР
Росси Росси

Кхазакхстан Кхазакхстан
Вина терахь 1968 шеран 18 июль({{padleft:1968|4|0}}-{{padleft:7|2|0}}-{{padleft:18|2|0}}) (51 шо)
Вина меттиг Мамакхин-КӀотар, Нохчийн Республика, РСФСР, СССР
Говзалла штангист
Тренераш

Валентин Чингисов;
Лев Пекарь;
Ибрагим Кодзоев;

Адлан Магомадов.
Йозалла 82,5 кг

БиографиНисъе

Вина 1968 шеран 18 июлехь Нохчийн Республикан Соьлжа-ГӀалин кӀоштан Мамакхин-КӀотарехь[2]. Иза еза атлетика Ӏамо волавелира 12 шо кхаьчча. Цуьнан хьалхара тренер вара Валентин Чингисов. 1982—1984 шерашкахь иза Ӏаш вара Ворошиловградан спортан интернатехь. Цигахь цуьнан тренер вара Лев Пекарь. 1984 шарахь иза Соьлжа-ГӀале схьавеара. Цу хенар дуьйна цуьнан тренераш бара Ибрагим Кодзоев а, Адлан Магомадов а.

1989 шарахь цхьана ерригсоюзан кегирхойн яхьаллонашкахь цуьнан хьалхара допинг-тестас бакъхьара жоп делира. ШозлугӀа тестехь цуьнагахь допинг ца карийнехь а, цунна шин шеран говзалла йохира. Цуьнан дисквалификаци чекхъялча 1991 шарахь цо X СССР халкъийн Спартакиадехь толам а беккхира, иза СССР вовшахтоьхна тобана юкъа а язвира. Донауэшингенехь хилла дуьненан чемпионатехь цо дашо медаль яккхира. Иза хилира еза атлетикехь хьалхара нохчийн дуьненан чемпион.

1992 шарахь СНГ вовшахтоьхна тобанан юкъахь цо Сексардехь хилла Европан чемпионатехь толам беккхира. Цул тӀаьхьа цо Барселонехь хилла Олимпиадехь дакъа лецира. Цо цигахь 3-гӀа меттиг яккхира. Хиллачун реза воцуш, иза шен медаль пьедестал тӀе а йиллина дӀавахара. Цо и дарна бахьнехь Халкъашна юккъера олимпиадан комитетас иза валлалц говзаллехь вохийра.

Кхоно и хан лахйира шина шара кхаччалц. Иза чекхъялча Самадов юха а тренировкаш йолаян гӀортира. Нохчийн Республикехь оцу балхан аьтто ца хиларна, иза Кхазакхстане дӀавахара. Яхьаллонашкахь цо дакъалоцара Кхазакхстанан вовшаха тоьхна тобанан юккъехь.

1997 шарахь Ибрагим Самадовс спорт йитира. Иза Нохчийн Республике схьавеара. ХӀинца иза тренер болх беш ву. 2010 шо дуьйна иза ву юниорашна юккъехь Европан а, дуьненан а чемпион (2012), Российн чемпионатан а, Универсиадан а совгӀатхо (2013) Магомед Абуев Ӏамош[3].

БилгалдахаршНисъе

  1. 1991 шарахь СССР еза атлетикан чемпионат яра аьхкенан Спартакиадан юкъайогӀуш
  2. Бронзовый призёр Олимпиады
  3. Профиль Магомеда Абуева на сайте WSPORT — SHATOY

ХьажоргашНисъе