Умарсултанов, Вахит Османович

(Умарсултанов, Вахит Осмаевич тӀера хьажжина кхуза)

Ва́хит Осма́нович Умарсулта́нов (1950 шеран 20 август, Кхазакхстан, ССРС) — нохчийн художник, Российн Федерацин Сийлахь художник, Нохчийн Республикин художникийн тобанан председатель, Российн художникийн тобанан нохчийн регионан декъан председатель, Российн художникийн тобанан секретарь, ССРС художникийн тобанан декъашхо, дукха регионийн а, ерригроссийн а, халкъашна юккъера а гайтахӀоттамийн декъашхо, 2012 шарахь Российн Федерацин Правительстван культурин совгӀатхо. Тайпана ЦӀонтаро.

Вахит Османович Умарсултанов
Ваха
Умарсултанов, Ваха.jpg
Умарсултанов Ваха
ГӀуллакхан тайпа Исбаьхьалча
Вина терахь 1950 шеран 20 август({{padleft:1950|4|0}}-{{padleft:8|2|0}}-{{padleft:20|2|0}}) (70 шо)
Вина меттиг Кхазакхстан, ССРС
Корматалла художник
Гражданалла ССРСFlag of the Soviet Union.svg ССРСРоссиFlag of Russia.svg Росси
Да Іусман
Нана Хани
Зуда Овлан
Бераш Хьуьсайн, Айнаъ, Хадижат
СовгӀаташ
Commons-logo.svg Вахит Османович Умарсултанов Викилармехь
Images.png Арахьара суьрташ
Image-silk.png Вахит Умарсултанов

БиографиНисйе

Ваха вина 1950 шеран 20 августехь, Кхазакхстанехь. 1950-гІа шераш чекхдовлуш доьзал цІабирзира Даймахка. Соьлжа-ГӀалахь юккъера ишкол чекхъяьккхина Ваха, деша вахара Савицкийн цІарах йолу Пензан исбаьхьаллин училище. 1970 шарахь училище чекхъяьккхича, цуо болхбира ишкол-интернатехь суртдилларан хьехархочун даржехь. Оцу шерашкахь Вахин Іаламдилларан белхаш гучудийладевлира республикин гайтамашкахь. И суьрташ, Даймахках безам боьлла, цуьнан инзаре, кхин хирйоцу хазалла гойтуш долу, ХӀинжа-гӀалахь, Нальчикехь, БуритӀехь зонан гайтамашкахь безабелира хьовсархошна а, говзанчашна а. Дукха хан ялале 1982 шарахь В.О. Умарсултанов Российн Федерацин Художникийн бертан декъашхо хилира. 1990-гІа шераш дуьйлалуш, Нохчийчоьнан уггара халачу заманахь, иза Художникийн бертан коьрте хІоьттира[1]. 2012 шарахь Российн Федерацин Правительствон оьздангаллин областера СовгІатан Лауреат хилира[2][3].

Исбаьхьаллин кхоллараллаНисйе

Вахин суьрташ Шемахь, Германехь гайтамашкахь хІиттийра. Цуо хьоьгу къа бахьнехь, Нохчийчоьнан художникаш дакъалецира «Имени твоему» цІе йолу ерригроссийн исбаьхьаллин гайтамехь (декабрь 2000-январь 2001 ш.). Оцу экспозицехь хІоттийра шен кхолларалла а — диъ сурт, царна юкъахь «Калаус» — цуьнан белхех уггар дикачехь цхьаъ. 2002 шеран майхь Москохахь Российн исбаьхьаллин Академехь хиллачу нохчийн художникийн гайтамехь, хьовсархошна довзийтира В. Умарсултановн керла суьрташ. И гайтам вовшахтухуш цуо шина шарахь сов къахьийгира, ерриг Россехара нохчийн художникийн белхаш гулбеш. Художникийн Союзехь болу балхо мукъа ца вуьтушехь, Ваха кхуьу кхолларалла лело. Цуьнан пейзажаш атта евза гайтамашкахь.

ДоьзалНисйе

Вахин да Іусман, шен заманахь хьехархо болх бина вара. Церан доьзалехь шиъ кІант, кхоъ йоІ дара. Вахин хІусамнана Овлан ю. Церан цхьаъ кІант а, шиъ йоІ а, кІента а, йоьІарийн а бераш ду.

БилгалдахаршНисйе

ХьажоргашНисйе